Diretór Klínika Bairru-Pité, Inacio dos Santos hateten, Osan ne'ebé husi Ministériu Saúde, temporariamente sira foin transfere pursentu 40 ba transferénsia primeira faze.

“Orsamentu ne'e só selu de'it saláriu vensimentu ba funsionáriu de'it, tanba hahú Janeiru mai to’o agora ne'e funsionáriu barak mak seidauk simu saláriu,” nia hateten via Telefone, Kuarta (05/07/2022).

Klinika mós simu orientasaun husi MS katak, tenke halo hotu relatóriu ezekusaun orsamentu ne'e hodi hatama mak foin halo fali transferénsia orsamentu restu pursentu 60 ne'ebé mak sei iha hela MS.

Tuir nia, husi orsamentu ne’e  la sufisiente atu loke fila fali programa baixa, maski populasaun barak mak ejize atu bele partu iha klinika tanba sira toman ona halo tratamentu iha ne’e.

Tanba ne’e klinika sei haree tok posibilidade reativa partus, maibé husu populasaun tenke fo kontribuisaun ba kustu operasaun balun, hanesan bainhira loke partu persija minimal na’in ualu, maibé fundu ne’ebé iha kobre de’it na’in haat, entau restu ne’e foti fundu iha ne’ebé.