Portavós Relasaun Publika F-FDTL, Kapitaun José Antonio Nunes da Costa hateten, tuir ajenda, iha Sesta (8/7), Ministru Defeza ho Komandu Jerál F-FDTL, sei anunsia vaga rekrutamentu ba kadetes foun F-FDTL nian periodu 2022.
“Prosesu tomak, aban, sira superior mak sei koalia,” dehan nia, via telefone, horisehik.
“Atu halo rekrutamentu ba memebru kadete foun F-FDTL hamutuk nain hira nee aban mak ita-nia superior nain rua ofisialmente anusia,” afirma nia.
Maski nunee, antes nee publika ona sei halo rekrutamentu tan membru foun F-FDTL hamutuk 600 iha tinan nee.
Molok nee, Ministru Defeza (MF), Filomeno da Paixão de Jesus hateten, planu rekrutamentu ba kadete foun Membru Falintil-Forsa Defeza Timor-Leste (F-FDTL), hamutuk 600 sei hahu iha fulan-Agostu 2022.
Nia dehan, politika rekrutamentu ba membru F-FDTL iha tinan kotuk governu ho komandu tau prioridade ba veteranu nia oan, maibe planu iha fulan-Agostu rekruta kadete foun 600 nee sei tau priosidade ba timoroan hotu.
Nia informa, sidadaun neebé submete ona dokumentu iha tinan 2021 hamutuk 2.400 no iha membru 70 mak apuradu kedas, maibé komisaun sei revé fila-fali.