MS ho Parseiru Dezenvolvimentu Lansa Programa Prevensaun Covid-19 ba Da-Haat Featured

By Ekipa INDEPENDENTE Novembru 09, 2023 691
Ajensia Internasional hanesan USAID no Fundus Nasoens ba Infansía (UNICEF-Sigla Inglés) apoia tan Timor-Leste liu husi Ministeiru Saúde ba programa prevensaun Covid-19 ba faze da-haat iha periodu tinan 2023 to’o 2024, ho total orsamentu hamutuk dolar amerikanu tokon $1.350. Palasiu das Cinzas, Kaikoli, (09/11/23). Foto:INDEPENDENTE. Ajensia Internasional hanesan USAID no Fundus Nasoens ba Infansía (UNICEF-Sigla Inglés) apoia tan Timor-Leste liu husi Ministeiru Saúde ba programa prevensaun Covid-19 ba faze da-haat iha periodu tinan 2023 to’o 2024, ho total orsamentu hamutuk dolar amerikanu tokon $1.350. Palasiu das Cinzas, Kaikoli, (09/11/23). Foto:INDEPENDENTE.

DILI: Ministeiru Saúde ho nia Parseiru Dezenvolvimentu sira hanesan USAID ho Fundus Nasoens Unidas ba Infansía (UNICEF-Sigla inglés) lansa tan programa prevensaun Covid-19 ba faze da-haat hodi haforsa sistema Saúde iha Timor-leste. 

Tuir Vise-Ministru Saúde (VMS) ba Fortalesimentu Institusionál Saúde Jóse dos Reis Mango hatete, lansamentu ba projeitu apoiu orsamentu husi USAID no UNICEF ne’e atu suporta no responde Covid-19 liliu Sistema saúde iha Timor-Leste.

“Apoiu husi parseiru rua ne’e, hanesan kontinuasaun deit husi faze primeiru, no ida ne'e ba fase dahaat ninia, oinsá para asegura hodi mantein nafatin situasaun iha Timor Leste,”dehan nia iha salaun Palasiu da Cinza Kaikoli (09/11).

Ministru ne’e afirma, apoiu USAID ho UNICEF ne’e hahú kedas iha tinan 2020 nudar parseria dezenvolvimentu ne’ebé valorize tebes ba Ministériu Saúde iha área oioin inklui pandemia Covid-19.

 Nune’e mós, molibiliza komunidade sira ba hetan vasina no estabelese fasilidade bee moos, íjiene no saneamentu iha fatin publiku no fasilidade saúde sira.

Iha fatin hanesa Representante UNICEF iha Timor-Leste Bilal Aurang zeb Durrani hatete, USAID nu'udar primeiru parseiru ida-ne'ebe mai kedas iha fase sedu Pandemia nian, hodi suportaTimor-leste.

"Hau mós rekoñese USAID nu'udar primeiru parseiru ida-ne'ebe mai kedas iha faze sedu pandemia nian, hodi suporta Timor-Leste hodi dezeña no ezekuta resposta Covid-19 nian, ne'ebé ha'u fiar katak ami hotu konkorda ajuda hodi minimiza impaktu pandemia nian." dehan Reprezentante UNICEF Iha Timor-Leste Bilal Durrani

Entretantu Lansamentu ba fase-dahaat foka liu ba reforsu liután sistema prevensaun no kontrolu ba infensaun iha nasaun ne'e.

Enkuantu, tuir dadus liu husi Ministériu Saúde hetan ona apoiu orsamentu husi USAID no UNICEF ba programa prevensaun Covid-19 no haforsa sistema saúde, hahú husi tinan 2020 to’o 2021 hamutuk dolar amerikanu rihun $500, 2021 to’o 2022 hamutuk tokon $1.5, tinan 2022 to'o 2023 hamutuk rihun $900 no iha tinan 2023 to’o 2024 hamutuk tokon $1.3 resin.

Rate this item
(0 votes)
Last modified on Sexta, 10 Novembru 2023 09:37

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31