Iha seremonia inaugurasaun ne’e hetan partisipa mós husi Asosiasaun HAK, Konsellu Imprensa Timor-Leste, Jornalista, no konvidadu sira husi sosiedade sivil ho akadémiku sira.

Jornalista Sander Robert Thoenes nudar sidadaun Ólanda, ho idade 27 ne’ebé hetan oho husi Militár Indonézia ho pro-Autonomia iha loron 21 Fulan-Setembro 1999 iha igreja Sagradu Korasaun de Jesus Bekora nia oin.

Saudozu hala’o nia knar jornalizmu iha Timor-Leste iha situasaun molok Konsulta Popular 1999 hodi divulga informasaun no lia-los sira kona-ba violasaun direitu umanu ne’ebé husi rejime militar Indonézia ho nia aliadu sira iha TL.

Reprezentate Familia Saudozu iha TL, Hily Bouman hatete, monumentu ne’e la’os ba Sander de’it, maibé iha simbolu boot ida atu fó inspirasaun ba juventude, ativista no ema hotu-hotu atu labele haluha tanba iha istória lubun ida.

“Monumentu sander nian la’os ba Sander de’it maibé konaba simbolu no inpirasaun ba imi nia juventude, jornalista, ativista no ba ema hotu-hotu atu labele haluha imi nia liberdade dezafiu,” dehan Familia Saudozu iha Seremonia Inagurasaun munumentu Sander Bokora, Kuarta (08/11).

Monumentu ne’e, nudar kontribuisaun boot husi ema iha Olanda, ativista Indonézia inkliu TL no Saudozu nia kolega Jornalista Internasionál sira tau osan hamutuk hodi harii monument refere.

Iha fatin hanesan, Diretór Ezekutivu Asosiasaun HAK Feliciano da Costa Araújo HAK, hato’o nia agradesementu boot ba suporta hotu husi familia saudozu husi Olandez no ba ema hotu ne’ebé durante ne’e hala’o servisu hodi  harii monumentu ne’e to’o remata.

“Husi asosiasaun HAK rasik ho nia ekipa sira inklui mos aliadu sira hotu, ami agradese ba Padre Paroku ho padre sira iha Igreja Bekora ne’ebé fo ona fatin hodi harii monumentu ida ne’ebé rekoñese dedikasaun boot Sander ninia ba iha knar hanesan jornalista,” Diretór HAK.

Nune’e mós Reprezentante Administradór Postu administrativu Kristu-Rei Fernando Araújo hato’o mós agradesimentu ne’ebé kelan ba familia saudozu Sander ne’ebé husik hela sira nia oan no membru familia hodi halo misaun haklaken lia-los ba TL nia sofrementu sira luta ba ukun rasik an.

“Ita nia alin ida ne’ebé oferese an ba sai jornalista bele mai Timor akonapania situasaun iha Timor no ikus mai nia mos fó han mate iha rai timor, tanba nuudar jornalista atu hato’o sentiment povu nian ba iha nasaun sira hosu atu rona katak nasaun ida ne’e nia hakarak saida, maibé ikus mai nia fó nia an mate iha rai ida ne’e.

Entertantu, Administradór Postu Administrativu Parokia SAKROJES, Pe, Bernardo Domingos Pereira Paíva, fó sasin katak Jornalista Internasional Sander Robert mate loos iha aredór Igreja Parokia Bekora no populsaun sira iha ne’e koñese ho di’ak trjedia ida ne’e.

“Tanba Sander ne’e mate los iha área Bekora ninian Parokianu no populasaun sira iha bekora ne’e hatene diak, tansa mak nia mate, hahú no husi ne’ebé ema hatene hotu, jornalista ema ida ne’ebé defende lialos no mate ba lialos.

Enkuantu, Prezidento KI Otélio Ote mós fó sasin iha tinan 1999 ba kotuk, sira jornalista kuaze la’o hale’u Dili laran, maibé bainhira Saudozu mate iha ne’e, sira barak la iha oin atu hare direita kona-ba Sander nia terus.

“Sander Robert, pesoalmente halo hola parte iha nia, iha momentu ne’ebá ami hamutu kuaze la’o haleu Dili Laran maibé banhira nia mate ami la iha oin atu hare direita Sander nia terus.

Ba Saudozu Jornalista Sander Robert nia mate, Prezidente KI hatete, agora dadaun ba Saudozu Sander Robert ne’e nia seidauk tau iha Premiu kategoria ba Mídia, maibé iha hanoin ona atu iha tinan sira tuir mai oinsa mak bele hamosu prémiu ida ba Jornalista ka mídia sira ho kategoria prémiu Sander Robert Thoenes.