Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Diretor Jeral Dezenvolvimentu Rural, Rositu Guterres kaer kanuru suru hela masa ne'ebe kahur ona atu halo uma kbiit laek iha likisa (04/06). Foto:media DJDR Diretor Jeral Dezenvolvimentu Rural, Rositu Guterres kaer kanuru suru hela masa ne'ebe kahur ona atu halo uma kbiit laek iha likisa (04/06). Foto:media DJDR

MAE Lansa Fatuk Dahuluk Ba Programa UKL Iha Likisa Featured

DILI:Ministeriu Administrasaun Estatal (MAE) lansa fatuk dahuluk ba programa harii Uma ba Kbiit Laek (UKL) iha Munispiu Likisa.

Tuir Ministru Administrasaun Estatal, Miguel Pereira de Carvalho hatete, uma mak nesesidade prinsipal no bazikas ba populasaun sira, tanba ne’e, Governu iha komitmentu politíka ida katak sei la husik nian sidadaun ida hela iha kotuk ho kondisaun hela fatin ne’ebé la dignu no inseguru.

Nune’e, MAE kongratula ba komunidade hotu iha aldeia Nunulete no Suku Maubara lisa tanba programa uma kbiit laek tinan ne’e bele realiza hodi fó uluk ba família ne’ebé prioridade iha suku refere.

“Ohin sai nuudar loron importante tebes tanba iha suku ida ne’e duni ita ofisialmente hahú lansa programa hari uma ba ema kbít laek iha teritoria laran tomak ba tinan 2021,”dehan nia iha serimonia lansamentu iha likisa (04/06).

Nia hatutan, tuir dadus sensus tinan 2015, populasaun iha Timor-Leste atinji ona miliaun 1.3, husi númeru ne’e, populasaun pursentu 42 mak sei moris kiak no pursentu 58 moris ho kondisaun uma ne’ebé at, la seguru no laiha asesu ba bee mós.

Ho nune’e, Ministru Estatal garante katak, tinan oin mai Governu sei kontinua tau osan hodi bele fó tan oportunidade ba populasuan sira ne’ebé presiza hetan tulun husi Governu.

Entretantu, tuir planu politika Governu nian sei harii Uma Kbiit Laek ba populasau ne’ebé elejivel hamutuk rihun 1.254. ne’ebé implementa husi Programa Nasional Dezenvolvimentu Suku (PNDS).

Enkuantu, orsamentu ne’ebé aloka ba programa harii Uma ba Kbiit Laek hamutuk tokon $22.9, kompostu husi aktividades fiziku tokon $21.6, kustus operasional tokon $1.3 ne’ebé bazeia husi livru orsamentu munisípiu.

Nune’e, iha Munisípiu Likisa, orsamentu ne’ebé aloka ba programa harí Uma Kbit Laek ba tinan 2021 hamutuk tokon $1.2. husi total ne’e atu finansia ba aktividades fiziku hamutuk tokon $1.2 ba populasaun ne’ebé elejivel ba Uma Kbiit Laek hamutuk 69 iha Suku 23, no mós operasional rihun $69,000.

 

Asistente Editor: Saturnina da Costa

Read 171 times
Rate this item
(0 votes)