Sábadu, 31 Jullu 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-07-30&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Prezidente Asosiasaun Komersiál Xineza Timor-oan, Kethleen Gonçalves no membru sira apoia aihan baziku ba Lider Instóriku, Kay Rala Xanana Gusmão atu bele fó apoiu ba Timoroan sira ne’ebé presiza. Foto:Aquino/Independente. Prezidente Asosiasaun Komersiál Xineza Timor-oan, Kethleen Gonçalves no membru sira apoia aihan baziku ba Lider Instóriku, Kay Rala Xanana Gusmão atu bele fó apoiu ba Timoroan sira ne’ebé presiza. Foto:Aquino/Independente.

ACCT Entrega Nesidade Baziku Ba Xanana Fahe Ba Vitima Inundasaun Featured

DILI: Asosiasaun Komersiál Xineza Timor-oan (ACCT) iha Timor-Leste fó apoiu nesidade baziku ba Lider Istóriku, Kay Rala Xanana Gusmão atu bele fahe ba ema sira ne’ebé sofre inundasau foin lalais.

Nesesidade bazika ne’ebé ACCT entrega ba Kay Rala Xanana iha rezidensia Lesidere Dili mak hanesan, fós saka 20kg hamutuk 125, supermie 125, mina 1,7 liter x 6 hamutuk kaixa 40, no entrega direita husi Prezidente ACCT, Kethleen Gonçalves akompañia husi membru sira.

Xanana Gusmão hato’o agradese ba apoiu hosi empreza Xineza Timor-oan no estranjerus sira ne’ebé lolo liman hodi ajuda povu sira ne’ebé sofre indunasaun no menus aihan.

Eis-PM Xanana orgullu ho lideransa Prezidente Asosiasaun Komersiál Xineza Timor-oan iha Timor-Leste, Kethleen Fon  Ha Gonçalves ne’ebé kontinua hatudu nia domin bo’ot hodi  mobiliza komunidade Xineza iha estranejerus no rai laran hodi tulun Timoroan sira.

“Dala barak ona mana Kethleen Fon Ha Gonçalves nu’udar Prezidente Asosiasaun Komersiál Xineza Timor-oan no Asosiasaun Xineza Timor-oan ne’ebé hela Sidney-Austrália sira mak sempre lori apoiu mai fahe ba ita nia populasaun sira ne’ebé presiza iha tempu sira hanesan inundasaun foin lalais,” Xanana agradese.

Xanana dehan, apoiu hirak ne’e sei fahe direita ba ferik katuas, no Timoroan sira ne’ebé sofre moras no difiensia matan no fiziku iha sidade Dili no munisipiu sira.

“Ita agradese tebes ba laran luak Timoroan sira, ita hatene iha Austrália mós mosu Covid-19, maibé nu’udar Timoroan sira la haluha no iha domin bo’ot atu tulun ita nia povu ne’ebé moris iha susar,” nia hatete.

Durante ne’e, Xanana Gusmão harii ekipa Sekretariadu Apoiu Solidaridade ne’ebé hetan apoiu hosi emprezariu Timoroan no internasionál sira hodi hala’o misaun fó apoiu aihan, ropa no materiál kontrusaun hodi konstrui uma populasaun ne’ebé mota sobu iha Dili no munisipiu balun.

Iha fatin hanesan, Prezidente Asosiasaun Komersiál Xineza Timor-oan, Kethleen Fon Ha Gonçalves dehan, apoiu hirak husi Prezidente Komunidade Xineza iha Austrália, Toni Vom no membru sira hodi ajuda Maun Boot Xanana no parte Madre Kongregasaun Canosiana Balidi no organizasaun seluk hodi tulun povu sira ne’ebé sofre hamlaha.

Entretantu, apoiu ne’ebé Komunidade Asosiasaun Xineza iha Austrália no Timoroan sira iha Dili oferese mak hanesan, foos, 425 saka, supermie 425, mina goren 160 kaixa no seluk tan. 

“Apoiu ne’e fó atu tulun ita nia komunidade sofre inundasaun no ameasa Covid-19  iha ita nia rain, tanba ne’e Asosiasaun Xineza iha Timor-oan no iha Austrália liu hosi sira nia Prezidente Toni Vom ho membru tomak simu pedidu hodi mai entrega ona apoiu ba Maun Xanana,” dehan Kethleen.

Kethleen Gonçalves hatutan, sira nia parte sente orgullu, durante ne’e Xanana organiza empreza Timoroan sira hodi lolo liman hamutuk fó tulun ba hirak ne’ebé presiza nu’udar asaun umunitáriu ne’ebé pozitivu no importante tebes ba rai Timor-Leste.

 

Asistente Editor: Saturnina da Costa

Read 266 times
Rate this item
(0 votes)