Ministru Justisa, Sérgio Hornai afirma, prosesu ba harii Sentru Juvenil dadauk ne'e iha hela CNA mak responsabiliza ba dezeñu ni’an.
Tanba ne'e, iha faze ekipa tékniku sira halo preparasaun ba dezeñu ni’an. Maibe parte Ministériu Justisa promete sei fo prioridade ba kompaña Nasional Timor-oan sira no mos internasional, atu bele kompete sai vensedor harii obra refere.
Nia dehan, Konstrusaun Sentru Juvenil iha Tibar sei fo providade ba Timor-oan bele kompete ho ema internasional sira hodi sai vensedor ba dezenu Sentru Juvenil.
“Prosesu tenderizasaun ba lei aprosidamentu ne’e rasik sai hanesan orientasaun ba se mak sai vensedór kualifikasi hodi halo obra ba sentru juvenil,” Ministru Justisa Sergio Hornai afirma ba jornalista sira, iha Palasiu Governu, Kuarta (01/04).
Nia hatutan, prosesu ne'e sei loke ba publiku entre empreza lokál no internasional sira bele kompete hodi hatene se mak sai vensedor ba dezeñu ne'e.
“Ita fó nafatin prioridade ba Timor oan no ema internasional sira hakarak tama.Ita hare to'o ninia plafon orsamentu ne'e hira para sira bele konkore ka labele ou Ida bele hela ba iha ita nia emprezariu lokal no nasional sira,” Sérgio informa.
Nia dehan, Konstrusaun ba Sentru Juvenil ne'e sei haree ba estrutura rai no nia lokalizasaun iha ne'ebe no kompozisaun ba rai ne'e rasik.
“Ita tenki halo uluk ba prosesu administrativu ba rai ne'e los ona, ita iha intensaun atu halo konstrusaun ba iha sentru juvenil ne'e rasik,” Nia hatutan.
Nia informa, Ministériu Juvenil halo hela kordenasaun ho servisu CNA, hodi haree ba dezeñu sira, hodi aselera prosesu ba sentru juvenil ne'ebe sei estalese iha Tibar.
