MCI realiza enkontru diskute estratéjia aselera dezenvolvimentu indústria nasionál

Abril 03, 2026

Nasional

MCI realiza enkontru diskute estratéjia aselera dezenvolvimentu indústria nasionál ^Featured

By Ekipa INDEPENDENTE Abril 03, 2026 105

FOTO: Media MCI

DILI: Ministeriu Komérsiu no Indústria (MCI), liu hosi Diresaun Jeral Indústria, Jorge Ferreira hamutuk ho Diretór Nasionál Dezenvolvimentu Indústria, Immanuel de Araujo Mendonca, Diretora Nasional Manufatureira, Odete Belo no Diretor Nasional Mikro, Pekena no Média Empreza, Reinaldo Borges, hala’o reuniaun oficial iha salaun MCI, Fomentu Mandarin, Dili.

Enkontru ne’e ho tema “Sinerjia Foun ba Aselerasaun Servisu Diresaun Jeral Indústria”, ho objetivu atu konsolida kooperasaun entre diresaun sira, diskute estratégia atu aselera dezenvolvimentu indústria nasional fomenta inovasaun no apoia kresimentu MPME.

Diretór Jerál Industria, Jorge Ferreira hatete, funsionáriu sira tenki servisu ho dedicação atu aselera dezenvolvimentu setor indústria.

“Importansia interinstitusional atu evita duplikasaun servisu no garante politika industrial ne’ebé sustenta inovasaun, reforça apoio tekniku no finansiamentu ba MPME,” Dehan nia, liu husi Komunikadu ne’ebé Média INDEPENDENTE, Sexta (02/04).

MCI fó destaque katak enkontru ne’e abre dalan ba implementasaun programa prioridade iha tinan 2026, inklui fortalese manufatureira lokal, digitalizasaun servisu indústria no parceria foun ho setor privadu, ho objetivu atu garante dezenvolvimentu indústria sustenta ba ekonomia Timor-Leste.

Rate this item

(0 votes)