“Ita hotu hatene katak Governu Konstitusional ba da VIII nia mandatu iha tinan lima (5) nia laran tenke esforsu hodi garante infraestrutura sira ba iha eskola hahu husi Pre-Primária to'o ensinu báziku sira hotu, atu bele iha fasilidades ida ne'ebé adekuadu. Tanba ne’e ha’u mai iha ne'e, hodi inagura kontrusaun Eskola Ensinu Básiku Filial Tiarlelo ne’ebé hetan kontrolu husi Programa Nasional ba Dezenvolvimentu Suku (PNDS),”haktuir komunikadu ne’ebé Online INDEPENDENTE asesu, iha pajina ofisial PNDS, sabado ne’e.
Governante ne’e dehan, eskola ne’e konstrui ho osan montante hamutuk dolar amérikanu rihun $40, ho nia sala de aula hamutuk tolu (3), kompletu ho mobiliarius sira hanesan, Kadeira no mesa.
Enkuantu, iha eskola refere, iha manorin hamutuk na’in neen (6), no total estudante hamutuk 147.
Entretantu, nia dehan, ida ne'e mak progresu ne’ebé halo hodi dezenvole no fasilita labarik sira iha prosesu aprendizajem atu sira bele asesu ba Edukasaun.
