“Ho nune’e, orsamentu Jerál Estadu tinan 2026 ba Prezidensia Repúblika pasa,”dehan Prezidente Parlamentu Nasional iha sala Plenaria, PN, Kinta ne’e (13/11).
Enkuantu, OJE 2026 ne’ebé aloka ba iha Prezidensia Repúblika hamutuk milaun $12. 175, 212, ne’ebé fahe ba katégoria salariu no vensimentu $5.053.746, Bens no Servisu $5.746.366, Transferensia Públika $1.055.100, Kapitál Menor $320.000 no Kapitál Dezenvolvimentu zero.
Entretantu, tuir livru proposta OJE 2026, Prezidensia Repúblika iha programa hanesan, estadu direitu demokratiku, funsionamentu no dezenvolvimentu institusional, promove identidade nasional, reforsa relasaun no kooperasaun internasional, fortalesementu demokrasi, konstitusionalidade, paz no seguransa, inisiativa ba dezenvolvimentu Prezidensia Repúblika, no mós dezenvolve sistema komunikasaun institusional.
