Komisaun G Husu MEJD Rezolve Professor Kontratadu 957 Featured

By Rufino Dos S. Barreto Dezembru 07, 2021 704
Deputadu sira iha Parlamentu Nasional halo aprovasaun ba OJE 2022 iha jeneralidade. Foto:Aquino/INDEPENDENTE. Deputadu sira iha Parlamentu Nasional halo aprovasaun ba OJE 2022 iha jeneralidade. Foto:Aquino/INDEPENDENTE.

DILI: Deputadu Komisaun G ne’ebé trata asuntu Edukasaun, Antonio Verdial, husu ba Ministeriu Edukasaun Juventude no Desportu (MEJD), atu resolve problema professor kontratadu na’in 957.

“Ha’u hakarak Ministeriu Edukasaun Juventude no Desportu  rezolve uluk profesór kontratadu sira hamutuk na'in 957, nune’e hodi asesu ba eskola ne'ebé menus professor,”dehan nia iha PN, sesta (03/12).

 Entretantu, Ministru Edukasaun Joventude no Desportu (MEJD), Armindo Maia hateten, prosesu rekrutamentu ba profesór kontratadu na’in 957 sei iha faze verifikasaun dadus.

"Agora dadaun ne'e, ita nia ekipa sei halo hela verifikasaun ba ita nia professor kontratadu hamutuk na'in 957, tuir lolos iha fulan kotuk liu ba, ita verifika ona maibé ita sei haree lai, tanba bazeia ba orsamentu, nune’e neneik ita sei prosesa sira ba permanente,”dehan nia.

Tanba ne’e, MEJD sei tau nafatin prioridade ba professor kontratadu hirak ne’e.

Enkuantu, tuir dadus husi MEJD, professor iha teritoriu laran tomak hamutuk 16.618, husi númeru ne’e, professor kontratadu na’in 5.000 ho na’in 1.000 no restante sira ne’ebé permanente.

 

Asistente Editor: Saturnina da Costa

Rate this item
(0 votes)

Independente Digital TV