Iha Vizita Sua Santidade Papa Francisco Sei iha Enkontru Espesial ho Joven Sira Featured

By Ekipa INDEPENDENTE Abril 13, 2024 804
Parte Igreja anunsia orariu vizitasaun Sua Santidade Papa Francisco mai Timor-Leste. (12/04/24). Foto: INDEPENDENTE. Parte Igreja anunsia orariu vizitasaun Sua Santidade Papa Francisco mai Timor-Leste. (12/04/24). Foto: INDEPENDENTE.

DILI: Tuir Ajenda, Sua Santidade Papa Francisco vizita Timor-Leste durante loron tolu, sei halo enkontru espesiál ho joven sira.

ArceBispo Metro Politano Dili, Dom Virgílio Cardeal do Carmo da Silva hatete, Papa Francisco mós sei halo enkontru espesial ida  ho reprezentante juventude tomak iha Timor.

“Oras rua ita-nia santu padre sei hasoru direitamente joven sira hodi hala’o enkontru, no iha perguntas Amu Papa sei hatan,” dehan Cardeal liu-husi Konferensia Imprensa ne'ebé hala'o iha Kamara ekletestiatika Lecidere, Sesta (12/04).

Kardeal hatutan,  Sua Santidade Papa sei vizita  mós grupu difisiente ne’ebé parte igreja katólika Timor-Leste hili ona hodi reprezenta defisiensia sira seluk iha TL hodi hasoru malu ho  Santo Papa.

 "Amu Papa mós vizita grupu defisiensia, ami hili tiha ona no grupu ne’e, Amu Papa sei fó mós tempu,  sira ne’e mak sei reprezenta ita nia maluk sira ne’ebé difisiente iha ita-nia rai, inkliu Madre sira," nia informa.

Enkuantu, Santo Papa  mai la’os nia de’it  halo misa,, maibé  Papa mós mai nu’udar xefe estadu nian, iha ninia oraraiu katak, sei iha mós tempu iha ne’ebé, Amu Papa sei hasoru nia Xefe estadu.

"Nune’e mós iha tempu atu halo enkontru ida espesial ho ita-nia politiku sira, ita nia ukun na’in sira iha ita nia rai laran," Cardeal hato'o.

Entertantu, konaba bainaka, Dom Virgilio dehan, bainaka ne'ebé sei akompañia Papa Francisco la’ós oitiuan maibé, iha grupu ne'e iha Cardeal ne'ebé akompaña Amu Papa na'in 55 no Jornalista husi Vaticano na'in 85.

 "Sira ne’ebé mai ho amu papa ne’e la’os oituan, Amu papa nia grupu ne’e Kardeal amu Bispu akompañia Amu Papa kuaze 55 no  iha mós joirnalista internasional ne’ebé iha vaticano ne’e hamutuk 85, sira la’o hamutuk iha viagen ida ne’e," nia subliña.

Entretantu, Papa Francisco sei vizita Timor-Leste iha loron sia too loron 12 fulan Setembru tinan 2024.

Rekorda katak, iha fulan-Outubru tinan 1989, Sua Santidade Papa ne’ebé vizita ona Timor-Leste mak Amo Papa João Paulo II.

Rate this item
(1 Vote)
Last modified on Domingu, 14 Abril 2024 10:48

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31