Amu Papa Francisco Sei Hela iha Timor Durante Loron Tolu Featured

By Ivonia Varela Abril 13, 2024 3137
Sua Santidade Papa Francisco. Foto:Dok/INDEPENDENTE. Sua Santidade Papa Francisco. Foto:Dok/INDEPENDENTE.

DILI: Data konfirmadu, Sua Santidade Papa Francisco sei vizita Timor-Leste durante loron tolu ne'ebe sei hahu iha loron sia (9) too loron 11 fulan Setembro 2024 tinan ne'e.

Liu husi konferensia imprensa ne'ebe lee sai husi Sekretriu Ezekutivu CET Padre Carlos Ruben katak Santo padre nian vizita mai Timor-Leste sei hala'o iha loron 9-11 Fulan Setembro 2024.

"Ami nakonu ho fuan ksolok ho onra boot hakarak fo sai ofisialmente fo sai data husi sua santidade nia vizita husi apostólika mai iha TL neebe santa sé fo mai ita lou husi nunsiatura apóstolika.Santo padre nian vizita mai TL sei halao iha loron 9-11 Fulan Setembro 2024," hateten Padre liu konferensia Imprensa iha Lecidere, (12/04).

Padre afirma, Papa nia vizita ida nee sei sai eventu istóriku ida ba povu Timor ne'ebe hein kleur ona sua santidade papa francisco nia iha rai doben Timor, iha rai ida ne'ebe nia povu simples sira hatene moris sira nia orijemdade fiar nian iha Kristu Jesus.

Nia dehan, Vizita nee planeia kedas ona iha tinan 2018 maibé tanba kauza husi pandemia kovid-19 mak vizita nee la konsege.

"Maibé ita hotu nakonu ho sentimentu ksolok agradese ba sua santidade nia konfirmasaun atu mai Timor, hodi hatudu sinal gratidaun ho domin neebe mak ekipa preparasaun husi parte igreja nia servisu makas hamutuk ho nunsiatura póstolika atu prosesu preparasaun tomak hodi simu susesore sao Pedro pator universal kreda nian bele lao ho diak," afirma tan.

Nune'e agradese mos ba estadu Timor nian ba Prezidente Republika, Primeiru Ministru no ba ekipa tomak husi parte governu nian ba preparasaun tomak ba Santo Padre nia vizita nia liu husi kolaborasaun neebe diak tebes iha esforsu hotu no preparasaun organizativa no lojístika atu fasilita sarani tomak no mai hamutu ho Santo Padre.

Tanba sira mak santo Padre mai, hodi hametin liu tan sira nia fiar no domin ba kristu nian kreda iha Timor-Leste.
Nunee, Parte Igreja apela ba sarani tomak atu kolabora hodi servisu hamutuk iha tempu preparasaun nia ida nee no liuliu buka prepara an ho orasaun hodi simu Santo Parde hodi haburas liu tan partisipasaun ba konstrusaun unidade kreda relasaun hodi hamoris fira.

Rate this item
(2 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31