Nia haktuir, ba estudante sira husi desimu segundu ano hamutuk 1.180, maioria tuir hotu ona ezame nasional.
“Estudante desimu ano no desimu primeiru ano hamutuk 2.432, mak ohin loron 20 fulan-Novembru, tuir ezame pasajen klase,"dehan nia ba Online INDEPENDENTE, iha knar fatin, segunda ne’e (20/11/23).
Adjuntu Diretór ne’e hatutan, eskola sei fó oportunidade ba estudante sira ne’ebé latuir ezame iha loron refere, no sei tuir fila-fali iha semana oin.
Iha fatin hanesan, estudante husi ESG 04 Setembru, UNAMET, Balide, Pedro Alves senti kontente tanba tuir ona ezame ba pasejem klase.
Tanba nia, garante katak, nia sei pasa iha ezame ida ne’e.
Entretantu, total estudante sira ne’ebé hala’o estudu iha eskola refere hamutuk rihun 3 resin, kompostu husi desimu ano, desimu primeiru ano no desimu segundu ano.
Enkuantu, tuir orariu, ezame ba pasajem klase sei remata iha loron 24 fulan-Novembru 2023.
