Sekretariu Estadu Kooperativa Arsénio Pereira da silva hatete, dadaun ne'e, tempu udan ona, tanba ne'e SEKoop lansa Bafo kayrala iha fatin refere.
Nia dehan, antes ne’e mós Sekretáriadu Estadu Kooperativa lansa uluk ona iha munisipiu sira iha teritoriu Timor-Leste.
“Lansamentu ida ne'e, la’ós ba dala uluk maibé Aileu lansa ona iha fatin-fatin, ohin mai kontinua iha ne'e tanba ita hatene katak udan mai dadauk ona,”dehan nia iha Aldeia Manufoni, Segunda (20/11).
Ho nune’e, Sekretáriu Estadu Kooperativa husu ba MOKATIL atu kontinua halo kooperativa ne’e no mós halo koordenasaun ho Ministeriu Agrikultura, Pakuaria, Peskas no Floresta atu bele fasilita mós material sira.
Iha fatin hanesan, Komité Baze, Osorio Sarmento Barreto, senti kontenti no orgullo tebes tanba ho prezensa Sekretáriu Estadu Kooperativa bele motiva liu tan sira hodi halo servisu kooperativa nian.
"Ha'u senti kontenti no orgullo tanba ho prezensa Sekretáriu Estadu fó nafatin espiritu hodi bele motiva liu tan ami hodi halo servisu kamponeze nian," dehan nia.
Hafoin remata lansamentu Bafo Kay Rala, Sekretáriu Estadu Kooperativa kontinua hakat ba Postu Administrativu Maubisi Munisipiu Ainaru, hodi vizita grupu MOKATIL nia produsaun hanesan modo ho aifunan.
