Nia dehan, uma mak sai mahon hodi horik no deskansa ho familia, maibe uma ne'ebé nia hela laiha odamatan hodi satan anin no udan. Tan ne'e, nia presiza tebes tulun husi Governu, hodi bele finaliza uma ne’ebé dadaun ne’e hahú konstrui hela.
“Tuir loloos ha’u labele husu apoiu ruma, maibe ha’u presiza duni apoiu ruma atu bele finaliza ha’u nia uma, hodi hamahan aan ba, tanba ha’u ho kondisaun labele bok aan,”dehan nia ba Online INDEPENDENTE, iha nia hela fatin, Bairu Pite, foin lalais ne’e.
Nia hatutan, iha timoroan balun ne’ebé servisu iha rai liur no mós Plan Internasional Timor-Leste, mak fó apoiu ona material konstrusaun balun, maibé ida ne’e seidauk sufisiente.
Enkuantu, defisiénsia Hunu Kiak, forma ona uma-kain iha tinan 2010 no sira iha ona oan mane na’in rua.
Molok ne’e, Hunu Kiak ho familia hela iha Munisipiu Ainaro , hafoin muda mai Dili.
Entretantu, Diretór Ezekutivu AHDMTL, Gabriel Ponciano de Sousa, husu mós ba Governu liu husi Ministeriu Administrasaun Estatal (MAE), hamutuk ho Programa Nasional Dezenvolvimentu Suku (PNDS), bele oferese uma ba ema ho defisiensia sira ne’ebé laiha hela fatin, liu husi programa UKL.
Atu nune’e, sira mós bele hetan fatin ne’ebé dignu.
