Sexta, 24 Setembru 2021 | Login
CCD-TL. Foto:Google. CCD-TL. Foto:Google.

CCD-TL Fasilita Kreditu ba EhD Hala’o Atividade Ekonomia Featured

DILI:  Grupo Kooperativa Kreditu ba Defisiente Timor-Leste (CCD-TL-Sigla Portugués), fasilita kreditu ba Ema ho Defisiente (EhD) sira, hodi hala’o atividade ekonomia.

Tuir Vise-Presidente Konsellu Diretiva, Antonio da Silva Pinto hatete, grupo kooperativa ne’e harii husi Asosiasaun Defisiente Timor-Leste (ADTL) ho nia membru sira atu molibiliza membru sira ne’ebé hakarak involve an iha kooperativa.

Ho objetivu atu fó oportunidade ba Ema ho Difisiensia no sira nia familia atu rezistu hodi sai membru ba grupo kooperativa, nune’e hola parte iha hakbiit moris ekonomia iha baze.

“Grupu Kooperativu Kreditu ne’e estabelese atu rai no empresta osan, atu nune’e, hodi haburas sira nia atividade ekonomia no mós poupa osan ba futuru moris diak,”dehan nia iha edifisiu ADTL, Maskarenhas Balide, tersa ohin (06/07).

Nia hatutan, CCD-TL nia area negosiu mak rai no empresta osan ba dezenvolvimentu atividade ekonomia multi-sektoral iha rai laran.

“Kada membru hahú depozita osan dolar amerikanu $35, ne’e ita fahe ba dolar amerikanu $5 ba poupansa obrigatoriu fulan ida, tanba ne'e dolar amerikanu $5 ba kustu adminstrasaun, kustu administrasaun $5 ne'e selu dala ida deit. Bainhira sai membru Kooperativa depois iha tan dolar amerkanu $25 mak ami hanaran Raias Kapital ba investimentu membru nian no laiha membru ida mak rai liu $25 ne'e hotu hanesan,”tenik nia.

Enkunatu, tuir relatorio husi fulan-Juñu Ema ho Defisiensia ne’ebé mai rezistu atu sai membru ba Grupu Kooperativa Kreditu hamutuk 364 kompostu husi Munisipiu 12 inklui RAEOA ho osan hamutuk dolar amerikanu $8,168,38.

Orsamentu ne'e mai husi membru individu ka Ema Defisiensia sira ne’ebé mai rejistu hodi sai membro ba Grupo kooperativa nian.

“Ita apoiu imprestimu ba membru sira ne'e hodi halo uma, loke kios no fa’an pulsa no mós seluk tan.

Entretantu, membru Grupu Kopertiva Kreditu, Maravita Teles hatete, nia iha inisiativa atu rai osan iha CCD-TL atu bele ajuda nia iha futuru mai.

Nune’e, kada fulan nia rai osan iha CCD-TL hamutuk dolar amerikanu $5.

Tuir nia, hanesan estudante involve an iha Grupo Kooperativa Kreditu ne’e diak tebes tanba osan funan iha asembleia jeral sei apoiu ba membru ida bainhira presiza.

 

Asistente Editor: Saturnina da Costa

Read 663 times
Rate this item
(0 votes)