Sexta, 24 Setembru 2021 | Login
pasiente ne'ebe grave uza oksigeniu. Foto:Dok/Independente. pasiente ne'ebe grave uza oksigeniu. Foto:Dok/Independente.

6 Jullu: Kazu Foun Covid-19 iha 46, Rekuperadu 29 ho Kazu Ativu 942 Featured

DILI:Sala Situasaun Sentru Integradu Jestaun Krize (SIJK) relata, ohin (06/07) ekipa konjunta saúde deteta tan kazu foun Covid-19 na’in 46, rekuperdu 29 no kazu ativu iha Sala Izolamentu 942.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa, kazu foun ne’ebé relata ohin, iha Dili na’in 31, Baucau 4,  Ermera 1, Vikeke 9 no Covalima 1.

“Total kazu detetadu foun ohin iha proporsaun kazu sintomatiku hamutuk pursentu 2,1 (2,1%),”dehan nia iha komunikadu, tersa ohin.

Entretantu, total komulativu kazu konfirmadu hamutuk 9,558.

Husi horiseik (05/07) mai ohin teste PCR ne'ebé Laboratóriu Nasionál Saúde halo iha Dili hamutuk 870 ho detallu hanesan, Vijilansia sentinela 1, Contact tracing 7, Random Screening 60, Viájen sai husi serka sanitária husi Dili 689, Viájen internasionál 52 no Follow up iha kuarentena 61.

Totál testes PCR ne’ebé halo horiseik (05/06) iha Munisipiu sira seluk, RAEOA no HNGV hamutuk 379.

Enkuantu, izolamentu Vera Cruz ohin halo tratamentu ba kazu detetadu hamutuk na'in 19.

 

Asistente Editor: Saturnina da Costa

Read 179 times
Rate this item
(0 votes)