PN Ezije Investigasaun FP Lori Karreta Estadu Ba NTT
DILI: Parlamentu Nasionál liu plenária ejize ba Governu atu harii ekipa investigasaun hasoru Funsionáriu Públiku (FP) ne’ebé lori karreta estadu ba hala’o atividade família nian iha provínsia Nusa Tenggara Timur (NTT), Kupang-Indonézia.
OJE 2019 Ba Setór Tolu Kiik
DILI:Movimentu Asukai Lorosa’e (MAL) nu’udar organizasaun da masa ne’ebé mai husi membru nivel intelektuál, veteranu, antigu kombatente, juventude, estudante universitáriu lamentasaun kona-ba orsamentu ne’ebé aloka ba setór tolu hanesan setór edukasaun, agrikultura no saúde ne’ebé ki'ik.
“Husu Estadu atu hataan uluk nesesidade povu iha tempu badak, envezde halo investimentu ba projetu sira iha tempu naruk, hanesan sosa asaun ConocoPhillips no Shell ne’ebé nia retornu sei iha inserteza nia laran”, dehan Prezidente MAL, Justino Ximenes, hafoin suru-mutu ho Prezidente Repúblika, iha Palasiu Prezidensiál, Bairru-Pité, horisehik.
Hataan ba preokupasaun MAL nian, Prezidente Repúblika hateten, nia atentu ho situasaun sira iha rai laran no liu husi enkontru sira ne’ebé nia promove ho akadémiku, sosiedade sivíl, konfisaun relijioza no organizasaun oioin, espera bele hatene ho di’ak realidade ne’ebé oras ne’e país enfrenta.
Prezidente Repúblika mós esplika oinsá lala'ok organizasaun Estadu tuir lei no garante ba estrutura movimentu ne’e nian, katak buat hotu ne’ebé halo sei la’o tuir de’it konstituisaun no lei ne’ebé vigora.
Kinta loron ikus ba Prezidente Repúblika atu hola desizaun ba OJE 2019, tuir kompeténsia ne’ebé Konstituisaun RDTL fó ba nia hanesan Xefe Estadu.
KAK Promete Zero Toleránsia ba Krime Korrupsaun
DILI: Komisáriu Komisaun Anti Korrupsaun (KAK) eleitu, Sérgio Hornai, kompromete toleránsia zero ba ema sé deit mak komete krime korrupsaun hodi halakon osan estadu nian.
Vizaun no misaun instituisaun KAK durante ne’e hatuur iha kestaun fundamentál sira hanesan polítika no jurídika ne’ebé orienta ba hametin koezaun sosiál ne’ebé hakribi korrupsaun no tau aas interese ba moris di'ak povu nian.
Alterasaun LAP Seidauk Válidu
DILI: Altersaun Lei Atividade Petrolíferu (LAP) ne’ebé Prezidente Repúblika, Francisco Guterres ‘Lú Olo’ altera seidauk válidu, tanba sei dalan atu bele halo fiskalizasaun abstratu husi Tribunál Rekursu.
Desizaun Xefe Estadu hodi promulga alterasaun LAP ne’e tanba ezijénsia lei nian, ne’ebé tenke halo duni. Maibé hafoin promulga, Prezidente Repúblika ka deputadu ida baluk lima (1/5) mós sei bele husu Tribunál Rekursu atu halo fiskalizasaun abstratu.
Governu Hein Foti Osan Sosa Asaun
DILI: Alterasaun Lei Atividade Petrolífera (LAP) hetan ona promulgasaun husi Prezidente Repúblika (PR), Francisco Guterres ‘Lú Olo’ iha semana kotuk, ne’e duni Governu hein publika iha Jornál-da-Repúblika hodi bele hasai ona ona husi Fundu Petrolíferu hodi sosa asaun.
PR Lú Olo Dilema Promulga OJE
DILI: Prezidente Repúblika agora daudaun hasoru dilematiku atu deside Orsamentu Jerál Estadu (OJE) tinan fiskál 2019. Tanba kuandu promulga maka fundu tokon $650 bele hasai ona hodi sosa asaun, maski dalan atu haree fila-fali alterasaun Lei Atividade Petrolíferu (LAP) nian seidauk to’o nia rohan.
DILI: Juiza Titulár Jumiati Freitas ba kazu Vicente Guterres, eis Prezidente Parlamentu Nasionál, dehan Tribunál kontinua hein karta klarifikasaun hosi Parlamentu Nasionál ba kazu eis Prezidente Parlamentu Nasionál Vicente Guterres.
Timor-oan Rihun 430 Hasoru Inseguransa Aihan Kroniku
DILI: Bazeia ba peskiza husi Ministériu Agrikultura no Peska (MAP) hatudu katak populasaun Timor Leste hamutuk na’in 430.000 ka 36% hasoru inseguransa aihan kroniku. Husi númeru ne’e, Rejiaun Autonomu Oekusse, Munisipiu Ermera, no Manufahi kontribui númeru barak liu.
Aman Ida Halo Violasaun Seksual ba Oan-feto
DILI: Aman ida ho inisial JS hatudu hahalok imoral ameasa no obriga nia oan-feto hodi halo relasaun seksual.
Vitima nia inan no JS nia feen, ho inisial MG, konta asaun imoral ne’ebé nia laen komete hasoru nia oan-feto rasik katak, iha kalan ida iha tinan 2015, JS tama ba sira-nia oan-feto nia kuartu ho tudik hodi ameasa nia oan-feto atu halo relasaun seksual.
PR Lú Olo Promulga Ona Alterasaun LAP
DILI: Prezidente Repúblika (PR) Francisco Guterres Lú Olo promulga ona alterasaun Lei Atividade Petroliferu (LAP) númeru 3/V husi Parlamentu Nasionál.
Deklarasaun imprensa Prezidente Repúblika promulga dekretu númeru 3/V husi Parlamentu Nasionál ne’e lee husi Xefe Kaza Sivil Palasiu Prezidensiál Francisco Maria de Vasconcelos iha Palasiu Prezidensiál Bairu-Pite, Dili, Kinta (17/01).
More...
PM Taur Lakohi Espekula Distiñu OJE 2019
DILI: Primeiru Ministru Taur Matan Ruak lakohi atu halo espekulasaun ba desizaun Prezidente Repúblika ba Orsamentu Jeral Estadu (OJE) 2019.
Opozisaun Dehan Empresta Osan Sosa Asaun Tenke Tuir Regra
DILI: Partidu opozisaun FRETILIN sei ezije ba governu atu informa planu sosa asaun ConocoPhillips no Shell liu husi orsamentu emprestimu nian, tanba atu foti ema ninia osan presiza tuir regra.
FRETILIN levanta ida ne’e hodi responde Reprezentante Governu ba negosiasaun mina no gás, Kay Rala Xanana Gusmão ne’ebé hateten sei loke dalan ba empresta osan hodi halo investimentu iha setór mina no gás.
Durante Janeiru, Turista 2.150 Vizita TL
DILI:Turista husi Europeia, Amérika no Austrália hamutuk na’in 2.150 halo vizita mai Timor-Leste hodi haree paizajen ne’ebé furak iha nasaun ne’e.
Diretór Jerál Ministériu Turizmu, José Dias Quintas hateten, Timor-Leste tinan ne’e 2019 fulan Janeiru hetan vizita husi ró kruzeiru boot ba dala rua ne’ebé lori turista husi estranjeiru.
faze dahuluk Timor-Leste hetan vizita ho turista hamutuk 450 no iha Kuarta (16/1), horisehik, hetan tan vizita husi ema estranjeiru hamutuk 1.700.
Turista sira ne’ebé to’o iha Timor koloka ba fatin tolu, Dili, Ermera no Likisá. Ema sira ne’e mós halo vizita ba área-área poténsia turizmu nian hanesan Kristu Rei, Muzeu Rezisténsia no seluk tan.
Iha vizita hirak ne’e hetan mós akompañamentu husi polisia sira hodi bele asegura viajen turista sira nian la’o ho di'ak durante oras ualu (8) iha Timor-Leste.
José dehan, vizitante barak liu tan bele aumenta reseita liu husi vistu turista sira ne'ebé kada ema ida $30, nune'e tau hamutuk bele hetan $64.500.
Iha fulan ne’e nia laran ró rua, espera iha tempu tuir mai sei mai tan tanba simu ona informasaun husi ajénsia sira katak sei mai tanba Timor-Leste iha paizajen furak iha nasaun Ázia.
Maski nune’e, prioridade ne’ebé presiza toma atensaun sériu maka infraestrutura iha Timor laran, nune’e bele fasilita di’ak liután vizitante sira.
Nia hatutan, iha tempu badak sei koopera ho portu hodi hadi'a infraestrutura bázika sira, tanba simu ona informasaun katak sira mós iha ona planu tau ona osan atu hadi'a bee no saneamentu.
Sérgio Hornai Eleitu Sai Komisáriu KAK
DILI: Polémika ba eleisaun Komisáriu Komisaun Anti Korrupsaun (KAK) rezolvidu ona. Bankada Parlamentár hakotu ho konsensu ida ba eleisaun lista únika, ne’ebé Sérgio Hornai eleitu ho votu afavor 42, kontra 13 no abstensaun tolu.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261