Sábadu, 16 Dezembru 2017 | Login
Timor-Leste ho Indonesia Timor-Leste ho Indonesia

TL-Indonesia Hamosu MoU 55 Featured

DILI: Governu Timor Leste (TL) no Negara Kesatuan Republik Indonesia (NKRI) iha duni seriedade atu rezolve lina fronteira terestre iha Citrana  Oekusi.

Tanba ne’e husi 55 Memorandum of Understanding (MoU), Indonesia halo ona reviu atu haree prioridade saida mak nasaun rua ne’e atu diskute uluk.

“Nu'udar reprezentante nasaun Indoneziza iha TL, ha’u halo hela reviu ba akordu ne’e atu haree ida ne'ebé mak importante atu halo uluk”, Embaixadór Indoneziza mai TL, Sahat Sitorus iha Pallasu Governu foin lalais ne’e.

Tuir nia, disputa fronteira terestre entre Indoneziza ho TL lao daudaun ona, parte rua iha ona konkordánsia hamutuk no tempu badak sei tun direita hodi haree kondisaun iha Citrana Oekusi.

Politika ida ne’e nasaun rua deside para atu rona direita povu nia lian hodi bele tetu.

“Ita hakarak molok atu deside lina fronteira terestre, povu bele kontente no bele simu. Nune’e mak ita bele servisu para atu deside lina fronteira terestre. Tan ne’e nasaun rua aseita ona atu prosesa lalais”, tenik Sitorus.

Lina fronteira terestre ne’e iha duni seriedade entre nasaun rua para atu rezolve. Tanba ne’e agora forma ona ekipa konjuntu ida para hakbesik aan ba povu Oekusi Citrana atu rona direita sira nia hanoin hodi nune'e governu rua bele foti konkluzaun.

Embaxador ne’e dehan, seriedade ba disputa fronteira terestre ne’e Indoneziza ho TL asina ona MoU hamutuk 55.

Maibé agora nu'udar reprezentante NKRI iha TL sei haree MoU ne’e para bele la'o tuir dalan.

Read 296 times
Rate this item
(0 votes)
  • MidAd1
  • Heineken Klaran
AdBottom1