Sábadu, 23 Setembru 2017 | Login
ONU ONU

ONU Hakarak Suporta TL Kombate Má-Nutrisaun Featured

DILI: Organizasaun Nasoins Unidas (ONU) liu husi Diresaun Eskritóriu Rejionál Ázia Pasífiku hala’o kampaña atu kombate má-nutrisaun iha Timor-Leste.

Asistente Sekretáriu Jerál Nasoins Unidas no Diretór Eskritóriu Rejionál Ázia Pasífiku, Haoliang Hu hateten, soru mutu ho Xefe Estadu Francisco Guterres ‘Lu-Olo’ importansia kona-ba oinsa kombate má-nutrisaun iha Timor Leste.

“Ami diskute kona-ba importánsia edukasaun nutrisaun iha Timor Leste, maibé oinsá ita atu halo kampaña”, dehan Haoliang hafoin soru-mutu ho PR Lu-Olo, iha Palasiu Prezidensiál, Ai-Tarak Laran, horisehik.

Aleinde ne’e, nia dehan, ONU hakarak apoiu kona-ba abilidade oinsá kria empregu iha komunidade sira nia leet hanesan halo sai hanesan karpinteiru, eletrisidade ka bele ajuda komunidade sira.

Tanba ne’e, hanesan iha komunidade presiza ko'alia ho sira saida maka sira-nia abilidade, ba karpinteiru ka eletrisidade ne'ebé bele uza abilidade ne’e hodi ajuda komunidade sira seluk.

Tanba ne’e, Haoliang dehan liu husi ida ne’e juventude sira aprende iha skill barak, entaun sira bele ajuda komunidade, maibé komunidade sira mós tenke aproveita oinsá mak bele aprende.

Diskute Dezenvolvimentu iha TL

Entretantu, reuniaun ne’e mós diskute kona-ba dezenvolvimentu iha Timor-Leste atuál, ne’ebé hatudu progresu prosesu dezenvolvimentu la’o nafatin la’o di'ak maski iha dezafiu barak.

Entretantu ko'alia mós kona-ba empregu ne'ebé joven barak la hetan kampu traballu, oinsá ONU bele ajuda ba Timor-Leste.

Tanba ne’e, Prezidente Repúblika, Francisco Guterres ‘Lu-Olo’ dehan, dezenvolvimentu bele la’o, maibé tenke bazeia ba situasaun iha Timor Leste. Tanba ne’e, mak ONU ho ninia ajénsia tomak hakarak servisu iha Timor-Leste oinsá dezenvolvimentu sustentavel la’o di'ak.  

Read 732 times
Rate this item
(0 votes)

About Author

  • MidAd1
  • Heineken Klaran
AdBottom1