Kuarta, 22 Novembru 2017 | Login
PSD PSD

PSD Hakarak Hakiik Estrutura Governasaun Featured

DILI : Prezidente Partidu Sosiál Demokrata, José Gonçalves hatete bainhira PSD manan iha eleisaun parlamentár sei hakiik   estrutura  governu  ho alokasaun  orsamentu ne’ebé  sufisiente atu lori dezenvolvimentu ba povu  no rai ida ne’e.

Tanba tuir nia, estrutura governasaun  daudaun ne’e  boot no barak liu hodi  nune’e  alokasaun orsamentu mós boot tebes hodi kada ministru labele halo servisu tuir nia área.

Tanba tuir PSD xave importante atu kombate korrupsaun iha nasaun ida tenke iha kapasidade sufisiente husi instituisaun sira nu'udar servidór povu no nasaun.

“Se ita nia instituisaun mak laiha kapasidade sei hamosu korrupsaun, koluzaun no nepotizmu iha ita nia rain”, deklara nia iha kampaña polítika foin lalais ne'e.

Ezemplu, Prezidente PSD ne’e dehan tinan hirak nia laran gasta orsamentu barak maibé la hatudu rezultadu ruma liuliu iha povu nia moris Loron-loron.

“Bele mós instituisaun sira fraku ditadura sei mosu, imi fiar ba, se instituisaun estadu fraku”.

Ne’e duni, nia hateten, PSD promete sei hadi'a kapasidade instituisaun tomak atu garante duni boa governasaun iha futuru.

Iha oportunidade ne’e mós fó prioridade importante ne'ebé  PSD sei halo bainhira kaer ukun mak kréditu ba joven sira liuliu ema ne'ebé kbiit laiha atu kontinua nia moris.

“Osan ne'ebé mak iha tenke kria kondisaun no polítika di'ak atu ba duni povu tomak nia di'ak”,haktuir nia.

Tanba realidade mundu hatene TL iha osan barak maibé nia joven sira maioria la asesu ba edukasaun.

Read 146 times
Rate this item
(0 votes)
  • MidAd1
  • Heineken Klaran
AdBottom1