Sábadu, 23 Setembru 2017 | Login
PD kampanha iha Oekusse PD kampanha iha Oekusse

Organizasaun Doze-Doze Apoiu PD Featured

NUNBEI: Membru Organizasaun Doze-Doze hamutuk ema 1008 husi suku 10 iha Oekusi  deklara sei fó votu konfiansa ba Partidu Demokrátiku para atu dudu dezenvolvimentu iha Oekusi.

Membru doze-doze husi suku 10 ne'ebé deklara tama ba PD husi Malelet, Usitaqueno,Lele-Ufe,Cunha,Costa,Bene-Ufe,Lele-Ufe,Lalisu,Usitasae no Pasabe.

 "Ami prontu ona fó forsa ba PD para atu dudu no aselera liu tan dezenvolvimentu iha rai Oekusi", dehan Prezidente organizasaun Doze-Doze Pedro Gomes ba estrutura PD iha suku Nunbei Oekusi,Sesta(14/07/2).

 Nia hateten tinan barak ona rai Oekusi laiha oportunidade atu hetan fatin hodi kompete hanesan munisípiu sira seluk.

Tanba ne'e, nia dehan, membru doze-doze hamutuk ema 1008 deklara envolve aan iha PD no vota ba PD para fó oportunidade no forsa atu rezolve Oekusi nia problema.

Tuir nia, problema ZEEMS iha Oekusi kuaze mesak ema husi rai li’ur mak servisu de'it tan ne’e, organizasaun Doze-doze sei esforsa makas atu tama uma ba uma, odamatan ba odamatan para atu husu povu Oekusi vota ba PD.

Iha fatin hanesan, Presidente PD Mariano Asanami Sabino apresia ho envolvimentu Doze-doze nian iha PD.

Nia husu atu esforsa no kontinua servisu makas para bele realiza mehi ne'ebé PD iha.

Assanami husu hahú ohin ba oin estrutura iha baze tenke servisu liután no aprosimada atu povu Oekusi vota hotu ba PD iha loron 22 fulan ne’e.

ZEEMS Sei Muda Lulik Lifau

Entretantu, Lian na'in lulik Lifau Francisco José Hornai dehan, projetu ZEEMS ne'ebé la’o iha Rejiaun Autónomu Espesiál Oekusi –Ambenu (RAEOA) ne'e lori tristeza ba povu Lifau tanba lulik uma no ahi ne'ebé sira adora tenke hasai hotu.

Nia dehan, Odamatan boot Lifau ne'ebé hamriik metin ho ninia lulik sira dezde tempu bei'ala sira ne’e tempu badak tenke hasai ona tanba projetu ZEEMS.

Nia hatutan, planu atu hasai uma no ahi Lifau nian ne'e liu ona husi aprosimadu Teras Propriedade nian ho família jerasaun Lifau nian, maibé família sira hotu seidauk konkorda.

Tuir Hornai molok atu hasai lisan husi Lifau tenke halibur hotu suku 18 iha Oekusi laran atu foti desizaun.

Tanba ne’e, nia dehan, nu’udar jerasaun ne'ebé hetan fiar kaer uma no ahi lisan Lifau nian lamenta ho projetu ne'e tanba lori triste barak ona ba povu Oekusi.

Nia dehan, komunidade barak mak lakon sira nia sasan tanba de'it ZEEMS ne’ebé hanesan lia na'in nia husu atu labele halo buat ne'ebé arbiru tanba lisan mak kesi no fó dalan ba timoroan atu respeita malu.

Read 113 times
Rate this item
(0 votes)

About Author

  • MidAd1
  • Heineken Klaran
AdBottom1