Sexta, 13 Dezembru 2019 | Login
Parlamentu Nasional Parlamentu Nasional

PN Promete Redús OJE Ba Biliaun $1.3 Featured

DILI:Parlamentu Nasionál (PN) promete sei halo redusaun OJE 2020 husi montante biliaun $1.95 hatún ba biliaun $1.3 to’o biliaun $1.6, tuir konkordánsia ne’ebé membru deputadu Aliansa mudansa ba progresu (AMP) no governu hodi halo.

Prezidente Komisaun C-PN, Fernanda Lay hateten, maneira atu halo redusaun ba orsamentu sei liu husi aprezentasaun proposta husi deputadu sira durante diskusaun.

“Ami sei haree biliaun $1.3 no biliaun $1.6, maibé tenke haree ko’a saida? La'ós ba ko’a arbiru de'it”, dehan nia, iha Parlamentu Nasionál, horisehik.

Nia dehan, laiha ona audiénsia públiku, governu mai konfirma de'it katak ministériu sira sei labele utiliza ne’e no sei ko’a tuir proposta ne’ebé sei hato’o durante plenária.

Nia informa, foti osan fundu mina-rai liu rendimentu sustetabilidade estimativu (RSE), maibé sustentabilidade fiskál laiha hanesan kapitál menór, transferénsia públiku no bens servisu ne’ebé sa’e maka’as, maibé laiha iha investimentu.

Deputada dehan, orsamentu ideál liu mak biliaun $1.3 maibé governu sei rona governu antes foti desizaun ruma.

Antes ne’e, governu liu husi Konsellu Ministru aprova ona proposta orsamentu 2020 ho montante biliaun $1.95. Husi Totál ne’e ne’e fahe ba kategoria saláriu vensimentu millaun $241.271, bens servisu millaun $738.428, transferénsia públiku $457.773, kapitál menór millaun $53.267 no kapitál dezenvolvimentu millaun $459.260.

 

Read 260 times
Rate this item
(0 votes)

About Author

MidAd1