Ministru Vitor hatete, iha Kuarta (23/07) Kompaña Santos ne’ebé kaer mina matan Bayu-Undan hasoru nia no koalia kona-ba mina matan ne’ebé maran no sira-nia kontratu ne’ebé remata iha tinan ida ne’e.
“Agora dadaun, 2020, sei iha tinan rua, (maibé) mina supa sai menus ona, bee foer de’it,” informa Ministru Vitor iha Palasiu Governu, Kinta (23/07).
Maske mina hotu ona no kompaña nia kontratu mós remata iha tinan ida ne’e, maibé, nia hatete, governu dudu kompaña atu mantein hodi kumpre kalendariu ne’ebé estabelese tiha ona.
Ministru hatutan, parte kompaña mós aseita no sira iha planu atu halo perfurasaun ba posu rua ka tolu ne’ebé iha potensia di’ak atu produs mina to’o tinan 2022.
