Nia hateten, orsamentu ne'ebé Parlamentu Nasional (PN) aprova billaun $1.4, husi ida ne'e millaun $600 gasta tiha ona husi Fulan-Janeiru to’o ohin loron no tama iha orsamentu doudesimu nian.

Desde husi 2020 governu foti ona millaun $537 husi Fundu Petrolíferu ba iha DOT 2020 nian, montante ida ne'e seidauk sufisiente atu finansia ida ne'ebé Parlamentu aprova. Entaun governu sei foti tan osan millaun $400 atu finansia orsamentu 2020.

"$400 miloens ital ne'e sei mai husi fundu petrolíferu entaun valor ida ne'e nafatin liu Rendimentu Sustentavel Estimativa (RSE) 3%, iha mekanizmu ba polítikas públikas ne'ebé efisiente liu atu ajuda katak osan hirak ne’e sei fó benefísiu direta ba povu,"dehan nia iha PN, Ohin (09/10).

Nia hatutan, billaun $1.4 ne'e sei aloka ba despeza rekorente no kuaze millaun $200 sei aloka ba setór dezenvolvimentu ekonómiku ba infrastrutura. Tanba ne'e despeza ida sa'e maka’as ne'e tenke halo balansu ho polítika públikas ne'ebé bele absorve osan hirak ne'e atu osan ne'e labele ba de’itt merkadu no ba liu rai li'ur, mínimu nia bele ajuda aumenta rendimentu doméstiku no muda kondisaun sosiál Timor nian husi kiak ba moris di’ak.