Segunda, 21 Setembru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-09-19&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Adjuntu Diretór PCIC, Adino N. Cabral hateten, hamutuk ho nia ekipa halo konferensia ba imprensa, sesta (7/8), iha salaun PCIC, Ministeriu Justisa. Foto INDEPENDENTE Adjuntu Diretór PCIC, Adino N. Cabral hateten, hamutuk ho nia ekipa halo konferensia ba imprensa, sesta (7/8), iha salaun PCIC, Ministeriu Justisa. Foto INDEPENDENTE

Intervensaun PCIC Hasoru FMTL Iha Orientasaun Featured

DILI:  Entre orientasaun ho prátika krime hasoru manifestante Front Mahasiswa Timor-Leste (FMTL), parte Polisia Sientifiku Investigasaun Kriminal (PCIC sigla portugues) lakohi esklarese ba públiku.

Adjuntu Diretór PCIC, Adino N. Cabral hateten, hamutuk ho nia ekipa sei esklarese iha Tribunál no sei hatudu evidensia,

Nia prontu hatan iha Tribunál tanba PCIC nia intervensaun tuir orientasaun.

“Akontesimentu ha’u mak iha ne’eba duni no ha’u hala’o ha’u nia knaar iha orientasaun, tanba ne’e ha’u prontu para ba hatan ha’u nia atuasaun ne’ebé ha’u halo, se prosesu ne’e lori ba iha Tribunál. Tanba ne’e ita hotu tenke respeitu husik prosesu ne’e lao,”dehan Adino ba jornalista sira liu husi konferensia imprensa iha knaar fatin PCIC, Dili (07/08).

Adjuntu Diretór PCIC halo klarifikasaun relasionadu keixa FMTL kona-ba kazu ameasa, ne’ebé akontese iha edifisiu Ministériu Justisa, loron 4 fulan-Agostu 2020.

Ameasa no trata ne’e akontese bainhira manifestasaun sira hakarak halo konfirmasaun ba akta ne’ebé sira hatama tiha ona ba Ministériu Justisa kona-ba esbosu kriminaliza lei difamasaun.

Adino hatete, prosesu ba kazu ne’e lao hela, tanba ne’e buat hotu tuir kontestu direitu demokratiku.

“Hau lakohi atu esklarese detaillu liu ba asuntu, tanba ha’u hanoin ita boot sira hatene liu ita husik ba prosesu agora ne’e lao  no ita iha evidensia no filmajen hotu husik prosesu ne’e lao se iha indikasaun ba iha krime ruma iha momentu ne’eba hau prontu para hatan,”dehan nia.

Polísia Sientífika Investigasaun Kriminál, harii iha tinan 2014, kompostu husi investigadór 47 no peritu forense nian hamutuk 31, sira hotu formadu iha ámbitu programa ida ne’e nian, iha estratéjia ida ne’ebé hala’o liuhusi formasaun iha Timor-Leste no iha Eskola Polísia Judisiária nian, iha Portugal.

Governu harii PCIC ho nia objetivu atu haree liu ba krime ne’ebé organizadu, modernizadu, no kompleksu liu. PCIC hanesan Instituisaun Superior ba Investigasaun Kriminal, ne’ebé ho nia misaun mak atu apoiu administrasaun justisa, orgaun justisa, hodi bele haree ba dezafiu sosio- ekonomiku ne’ebé Nasaun hasoru, maibé krime simples sira seluk hanesan violensia domestika, asaltu integridade fijika simples, ne’e PNTL mak sei halo investigasaun. 

Read 1575 times
Rate this item
(1 Vote)