Kuarta, 12 Agostu 2020 | Login
Aeroportu Internasional Nikolau Lobato Dili. Foto INDEPENDENTE Aeroportu Internasional Nikolau Lobato Dili. Foto INDEPENDENTE

Vou Komersiál La Tama Ona TL Featured

DILI:Prezidente Autoridade Navegasaun Aeró Timor-Leste (ANATL), Romaldo A. S. da Silva hatete,hahú loron Sabdu (5/4), Aeroportu Internasionál Nikolau Lobato Dili sei taka ba vou komersiál nian too iha fali autorizasaun husi Governu.

Maibé kontinua loke ba movimentasaun esensiál, flight tratamentu especial hanesan aluga ka emerjénsia ruma mak bele tama mai

“Ne’e la taka dalan ba aviaun sira seluk ne’ebé hanesan ha’u dehan katak konaba emerjénsia nian hanesan karik aban bainrua ita nia Governu atu aluga aviaun ruma atu tula sasan médikamentu mai Timor-Leste ka tula ita nia sidadaun sira ne’ebé oras ne’e iha hela estranjeiru sira ne’e operasionál ANATL mantein loke ita nia Aeroportu ba sira atu mai,”dehan nia, ohin Sabdu, iha Aeroportu Internasionál Nikolau Lobatu Dili.

Nia akresenta, vou komersialidade suspende provizoriu hodi hein prosesu tuir mai bazeia ba deklarasaun Ministru Transporte e Telekomunikasaun.

“Hanesan horsehik Ministru hateten katak ita taka ona komesa ohin (sabdu) ba oin hodi hein prosesu tuir mai karik aban bainrua ita nia Governu fó autorizasaun mai ANATL mak foin bele loke fila fali ba vou komersiál nian,”nia haktuir.

Iha fatin hanesan Prezidente Autoridade Aviasaun Sivíl Timor-Leste Interinu, Euzébio Freitas hatete, kona-ba deklarasaun PM Taur Matan Ruak katak aviaun komersiál sira sei vou kada semana ida dala ida, maibé iha mudansa hafoin Autoridade Aviasaun Sivíl hasai ona notifikasaun ba operador sira katak ninia afetivu ne’e hahu sabdu.

“Vou komersiál temporáriamente ita suspende lai depois haré nia progressu sira ne’e maka Autoridade Aviasaun Sivíl sei informa fila fali. Hahú aban ne’e vou komersiál la tama ona mai ita nia rai so esensiál flight tratamentu especial hanesan aluga ka emerjénsia ruma mak bele tama mai. Ba Vou komersiál sei la tama kuandu seidauk iha informasaun ba sira,”afirma nia.

Read 1831 times Last modified on Domingu, 05 Abril 2020 21:15
Rate this item
(0 votes)