Luta Kontra Covid-19: Halo Teste Masal ba Komunidade Featured

By Jacinto Xavier Abril 05, 2020 2877
Portavoz Sentru Integradu Jestaun Krize, dr. Rui Maria Araujo halo konferensia imprensa, CCD. Foto Jonio da Costa/INDEPENDENTE Portavoz Sentru Integradu Jestaun Krize, dr. Rui Maria Araujo halo konferensia imprensa, CCD. Foto Jonio da Costa/INDEPENDENTE

DILI: Liu husi teste masal ba komunidade nuudar meneira ida hodi halo prevensaun ba viruscorona (Covid-19) ne’ebé hadaet husi ema ba ema seluk.

Tanba ne’e, ekipa Analize Estudus Risku ne’ebé integra aan iha sala situasaun Sentru Integradu Jestaun Krize (CIGC), prepara ona politika ida ne’e liu husi konsultasaun ho Organizasaun Saúde Mundial (OMS).

Portavoz CIGC, Rui Maria de Araujo hatete, politika ba teste masal ne’e preparasaun finaliza ona, Ekipa Analize Estudus Risku halo ona estudu atu aprejenta argumentasaun sientifika, no halo konsultasaun ho Organizasaun Saúde Mundial (OMS) hodi haree ba kestaun ne’e.

“Ita halo ona prepara lijistika atu sosa reajentes neebé sufisiente para halo teste masal,” dehan nia, liuhusi konferensia ba imprensa, iha salaun media sentru, CCD, ohin.

Rui esplika, estandarte protokolu ba teste COVID-19 ne’ebé rai hotu-hotu uza ne’e, bainhira atu halo teste laboratoriu ruma ba ema ne’ebé hatudu sintomas no iha istoria halo viajen ruma ba fatin afetadu, nomos iha kontaktu ba ema pozitivu ba moras ne’e.

Ba preokupasaun hotu ne’ebé iha CIGC konsidera no anota, liu-liu ba forsa FFDTL no PNTL ne’ebé destakadu iha liña frente, parte ekipa vijilansia epidemiolojika Ministériu Saúde nian atentu nafatin.

Bainhira husi ema sira ne’ebé tama mai, balun teste pozitivu karik sei buka hatene hotu kontaktu ne’ebé sira halo, husi ne’e maka sei halo ezame mediku.

Rate this item
(0 votes)

Independente Digital TV