Sexta, 10 Jullu 2020 | Login
FRETILIN FRETILIN

FRETILIN: Desizaun PR Lú Olo ba Intrese Estadu Featured

DILI:Deputada husi Bankada FRETILIN reafirma katak desizaun Presidente Repúblika  Fransisco Guterres Lú Olo ba Governu foun ne’e ba intrese estadu, laos ba grupu ida nian.

Tanba tuir Deputada Bankada FRETILIN, Maria Angelica dos Reis katak, Presidente Lú Olo ema matenek ba lei, tanba ne’e atu foti desizaun ida ba Estadu, tenke ba povu nia intrese.

Hanesan iha tinan 2012 Prezidente Repúblika, atuál Primeiru Ministru Taur Matan Ruak nia pondera kandidtu ba Ministra Defesa no Seguransa no Primeiru Ministru Kay Rala Xanana Gusmao simu no troka ponderasaun ne’e hodi fó fali lista foun.

Maibé, agora Prezidente Lú Olo pondera lista mai husi partidu CNRT nia membru na’in hitu, ida ne’e mak sai problema boot iha nasaun to’o agora hodi halo impase ne’e la hotu.

“Nune’e to’o Bankada CNRT rasik vota kontra ba nia Governu nia orsamentu, ohin imi dehan Lú Olo Estuda no Estuda, Lú Olo ema matenek na’in ba lei, tenke estuda duni hodi halo desizaun ba Estadu, laos desizaun grupu nian, tanba ne’e Prezidente Lú Olo firma nia desizaun tuir konstitusaun haruka,”dehan nia, iha Parlamentu Nasionál, Tersa (02/06).

Nia dehan, kuandu ukun frazil iha oitavu Governu Bankada FRETILIN no Bankada Partidu Demokratiku ezijé iha segunda no tersa katak halo diálogu atu nasaun ne’e lao ba oin, nasaun ne’e labele frazil, nasaun ne’e labele monu.

“Maibé Deputadu CNRT balun dehan nune’e diálogu ne’e la hakerek iha kontitusionál ida, halo diálogu atu halo saida, tanba kadeira laiha ona atu fahe, maibé sira nia intensaun terselubung iha na’in hitu ne’ebé la tomada posse husi Prezidente Repúblika,”dehan nia.

Read 451 times
Rate this item
(0 votes)