Kuarta, 23 Setembru 2020 | Login
Diretór Ezekutivu FONGTIL, Daniel Santos do Carmo. Diretór Ezekutivu FONGTIL, Daniel Santos do Carmo.

FONGTIL Lamenta Atitude “Premanizmu” Iha MJ Featured

DILI: Forum Organizasaun Naun-Governamentál Timor-Leste (FONGTIL) lamenta ekipa Ministériu Justisa (MJ) ne’ebé ameasa Front Mahasiswa Timor-Leste (FMTL) relasióna ho manifestasaun kontra esbosu kriminaliza lei difamasaun.

Ekipa husi MJ ne’ebé reprezenta husi Adjuntu Diretór Polisia Sientifiku Investigasaun Kriminal (PSIK) Adino N. Cabral mak ba hasoru-malu ho reprezentante manifestante sira, iha loron tersa-feira horsehik.

“Ha’u haree notisia ne’e ita mós lamenta tanba saida maka sira halo hanesan ameasa laos dala di’ak iha sosiédade, estadu ida ne’e,”dehan Diretór Ezekutivu FONGTIL, Daniel Santos do Carmo ba jornalista sira hafoin remata partisipa reuniaun KSDS no KE, iha Palasiu Prezidensiál Bairu-Pitem Kuarta (05/08).

FONGTIL lamenta no konsidera servedór hatudu atetude hanesan ema premanizmu. Tanba ne’e FONGTIL sei haree kazu ne’e, sei hatoo keixa ba Ministériu Públiku no ba Funsaun Públiku.

Tuir nia katak atiude ne’e akontese tanba falta de étika husi pesoal funsionáriu iha Ministériu Justisa nian, laos Ministru Justisa.

“Ha’u la fiar Ministru Manuel Carceles atu fó orientasaun ba funsionáriu sira hodi ba halo ameasa ne’e lae, ne’e parese falta étika profesionalizmu husi funsionáriu refere maibé prontu situasaun ne’e akontese ona ita sei buka aproxima Ministériu Justisa liu-liu funsionáriu refere, atu esplika ita ninia pozisaun,”haktuir nia.

Bazeia ba notisia tersa (4/8) liu husi online INDEPENDENTE, Koordenador Kampu FMTL Werson Ribeiro afirma, durante sira enkontru, ekipa MJ halo de’it ameasa.

“Sira ameasa ami no sira baku meza ba ami. Ameansa atu baku ami, ida ne’e estraga ami nia pisikolojia. Inprisipiu, dialogu ne’ebé mak ami atu halo ne’e la akontese no ami la hato’o aspirasaun saida mak ami atu koalia,” dehan nia.

Read 399 times
Rate this item
(0 votes)