Portavoz Sentru Integradu Jestaun Krize (SIJK) Doutór Rui Maria de Araújo hatete, Ekipa Vizilansia Epidemolojia kontinua halo triajen ba iha Likisá hodi identifika transmisaun surtu COVID-19.

“To’o ohin meiudia ekipa vizilansia epidemiolojia munisípiu Likisá rekolla ona 79 amostra espesime, ema na’in 27 maka rezultadu negative no na’in 52 hein rezultadu laboratóriu,”dehan nia iha konferensia imprensa iha CCD, ohin.

Nia informa, Ministériu Saúde (MS) prepara hela planu asaun kona-ba métodu vizilansia sentinela ba munisipiu no sentru saúde sira iha Timor Leste nia laran.