KM Deside Toleransia ba Aniversariu Povu Portugés Featured

By Mariano Mendonca Abril 25, 2024 390
Reuniaun Konsellu Ministru. Foto:Dok. Reuniaun Konsellu Ministru. Foto:Dok.

DILI: Konsellu Ministru (KM) halo reuniaun sira hodi deside toleransia pontu bá loron 25 Abríl 2024, ba aniversariu Povu Portugés nian ba dala 50.

Konsellu Ministrus aprova votu kongratulasaun ba povu portugés Aniversáriu Revolusaun 25 Abríl 1974 nian ba da-50 no ba ezemplu konkista fali rekuperasaun liberdade no demokrasia nian ho pasífiku.

Vise Ministru Asuntu Parlamentár, Aderito Hugo da Costa hateten, aprovasaun ba votu kongratulasaun ba povu Portugés nia aniversariu bá revolusaun bá 25 fulan Abríl tinan 1974 bá 50 anos ne'e konkista fali rekoperasaun liberdade no demokrasia nian no Pasífiku povu Portugés nian.

"Ohin hanesan iha tinan 1974 ita hamutuk konstrui ita nia futuru bá fraternidade, tanba ne'e Timor-Leste ho ninia povu selebra hamutuk ho Portugál no povu Portugés sira tinan 50 ho ida konsellu Ministru delibera mós mós hodi fó toleransia pontu loron tomak aban 25 Abríl durante loron tomak," dehan nia hafoin reuniaun Konsellu Ministru iha Palásiu Governu, Kuarta (24/04).

Nia fundamenta, Revolusaun Kravu, ne’ebé koñesidu, aleinde halakon rejime ditatoriál no opresór iha Portugál, ajuda mós atu konsolida fundasaun ba Timor-Leste nia independénsia, hanesan Repúblika Demokrátika Timor-Leste, iha loron 28 fulan-novembru tinan 1975.

Mehi ba liberdade no demokrasia povu portugés nian  maka halo povu tomak Timor-Leste mehi no fiar  katak liberdade, demokrasia no independénsia  besik ona. Ohin, hanesan iha tinan 1974, ita hamutuk konstrui ita-nia futuru ho fraternidade.

Tanba ne’e, Timor-Leste no ninia povu selebra hamutuk ho Portugál no povu portugés sira tinan 50 loron 25 fulan-abril. Ho ida-ne’e, Konsellu Ministrus delibera mós hodi fó toleránsia pontu ba loron aban, loron 25 fulan-abril, durante loron tomak.

Rate this item
(0 votes)
Last modified on Kinta, 25 Abril 2024 12:02

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31