Ekipamentu Xina La Kontaminadu Covid-19 Featured

By Abril 29, 2020 2284
Ekipamentus ba Prevensaun moras Surtu COVID-19 ne'ebé Ajuda Husi Nasaun Repúblika Popular Xina to'o iha Aeroportu Internasional Nicolau Lobatu Komoro iha Oras Tuku 16 liu ho Aviaun Citilink. Dili Tersa, (28/04). FOTO:INDEPENDENTE/Jónio da Costa Ekipamentus ba Prevensaun moras Surtu COVID-19 ne'ebé Ajuda Husi Nasaun Repúblika Popular Xina to'o iha Aeroportu Internasional Nicolau Lobatu Komoro iha Oras Tuku 16 liu ho Aviaun Citilink. Dili Tersa, (28/04). FOTO:INDEPENDENTE/Jónio da Costa

DILI:Organizasaun Mundial Saúde (OMS) deklara katak ema ne’ebé simu pakote husi Xina sei la hada’et Covid-19 ba ema.

OMS deklara kestaun ne’e, relasiona ho dúvida ne’ebé mosu iha públiku nia le’et katak apoiu ne’ebé nasaun Xina fó kontaminadu ho Covid-19 no sei hada’et ba ema.

Portavoz Sentru Integradu Jestaun Krize (SIJK), Doutór Rui Maria de Araújo, esklarese dúvida iha públiku kona-ba sasan doasaun husi povu no governu Xina.

“Organizasaun Mundial Saúde hateten ona katak ema ne’ebé simu sasan pakote husi Xina laiha risku atu hetan da’et Covid-19,”dehan nia iha konferensia imprensa iha CCD, ohin.

Nia informa, husi análiza ne’ebé halo tiha ona komprovadu katak virus corona la moris naruk iha buat sira hanesan karta ka sasan iha pakote.

Tekniku sira husi Ministériu Saúde ho apoiu husi OMS verifika ona espesifikasaun no kualidade husi ekipamentu no bens konsumiveis sira husi Xina.

“Mai ita hotu agradese povu no governu Xina nia laran luak ba povi Timor-Leste,”dehan Dr. Rui.

Rate this item
(0 votes)
Last modified on Kuarta, 29 Abril 2020 17:03

Independente Digital TV