Prezidente Konsellu Imprensa (KI) Virgilho Guterres hateten, tinan-tinan KI sempre komemora loron Balibo Five no iha tinan ida ne'e KI halo ona preparativos hodi komemora durante loron tolu iha Balibo ne'ebé sei hala'o hahú husi loron 13-16 fulan Outubru.
"Ita sei halo diskusaun ho komunidade sira nomós sei fahe hela atribuisaun prémiu jornalízmu ninia ne'ebé ekipa juri sira avalia dadaun, halo expozisaun ne'ebé sei hahú husi loron 13 no sei remata iha loron 16" dehan Prezidente KI iha nia kna’ar fatin, Kuarta (07/10).
Nia esplika, objetivu husi komemorsun ne'e atu ema hotu bele sente katak Balibo ne'e hanesan sidade ba liberdade nian ne'ebé jornalista sira hahú luta iha ne'ebá ba Timor ninia liberdade.
Iha komemorasaun ne'e KI sei konvida Dr. José Ramos Horta hanesan Oradór Prinsipál, no testemuña ba akontesimentu hasoru jornalista Australianu na’in 5 iha Balibo iha loron 16 fulan Outubru 1975.
