Sexta, 27 Abril 2018 | Login
Passaporte sidadaun estranjeiru Passaporte sidadaun estranjeiru

SIK Kaptura Sidadaun Xineza Na’in Rua Featured

DILI: Polisia Nasionál Servisu Investigasaun Kriminál (PNSIK) kaptura sidadaun Xineza tanba la kumpre karta notifikasaun husi Tribunál Distritál Dili (TDD).

TDD liu husi ninia karta detensaun ba sidadaun na’in rua ne’e tanba notifikasaun ne'ebé hasai dala tolu ona xineza na’in rua ne’e nunka kumpre. Tan ne’e, husu PNSIK ezekuta orden kaptura ba sidadaun rua ne’e.

Sidadaun na’in rua ne’e nu’udar vítima. Sira lakon osan tanba ema ne'ebé empresta to’o la fó fila. Ne'e duni, sidadaun na’in rua ho naran Ling Qi Xuan no Ding Chang Dong halo keixa ba polisia no kazu ne’e polisia aprezenta ba Ministériu Públiku (MP).

Tanba kazu ne’e sériu, MP aselera kedas prosesu ba tribunál atu hetan julgamentu iha TDD halo notifikasaun para atu justifika kazu ne’e. Maibé, xineza na’in rua ne’e nuka marka prezensa.

Ne’e duni, karta tuur mai TDD kondena sidadaun rua ne’e la respeita sistema judisiáriu Timor-Leste nian no halo kedas karta detensaun ba sira.

Portantu SIKN ezekuta ona orden kapturasaun ba sidadaun rua ne’e iha Segunda (9/4) iha loza Xiang Fu, Delta-Komoro, iha tuku 10:00. Sidadaun rua ne’e lori ona ba Kuartél Jerál PNTL, Kaikoli-Dili hodi detein durante 72 oras depois kompleta auto notísia para aprezenta ba TDD.

Aleinde ne’e, husi osan ne'ebé sidadaun rua ne’e fó empresta ba ema seidauk klaru, tanba Polisia presiza halo fali prosesu investigasaun durante oras 12 nia laran para atu kompleta auto notísia molok haruka ba TDD.

Read 187 times
Rate this item
(0 votes)
AdBottom1