OIN-MIDAR dezeña nia oin hanesan nakukun iha besi nia kotuk la konsege hada’u nia solok. Ho manya nia hakoak isin ne’ebé hiti hela nia. Laiha sentimentu tauk ba fatin klot ne’ebé hada’u ema-nia liberdade ne’e.

Dader ne’e, bebé mane ida, bolu de’it Toto (la’os naran loos), ho oin-midar hateke ba ema hirak ne’ebé tuur iha nia sorin. Dala-balun nia hamriik hodi halai hasoru isin hirak ne’ebé tama no sai iha fatin klot ne’ebé nia ho nia inan hela durante tinan ida resin ona.