Sexta, 20 Outubru 2017 | Login
Arte-Marsiais Arte-Marsiais

Deputadu Husu Prosesu Arte-Marsiál Ho Lei Armas Brankas Featured

DILI: Deputadu Parlamentu Nasionál husu ba autoridade judisiáriu sira atu labele husik livre ona sidadaun sira ne’ebé envolve grupu arte-marsiál proibidu sira. Tanba iha ona Lei Armas Brankas ne’ebé bele kondena ema sira ne’e.

Deputadu Komisaun B Parlamentu Nasionál, Francisco Miranda Branco hateten, Parlamentu Nasionál aprova no hetan ona promulga husi Prezidente Repúblika kona-ba Lei Armas Brankas.

“Se lei ne’e iha ona, aplika de'it lei ne’e. Polisia mós tenke hatene ninia knaar, ninia instrumentu legál iha tiha ona”, dehan nia, iha Uma Fukun PN, horisehik.

Kona-ba Lei Armas Brankas ka arte-marsiál ninian ne’e Polisia bele foti medida konforme sira, tanba buat sira ne’e hakerek hotu ona iha Lei Armas Brankas no Lei Arte-Marsiál.

Iha fatin hanesan, Deputadu Fidelis Magalhães hateten, relasiona ho Polisia Unidade Fronteira kaptura ona grupu arte-marsiál iha fronteira, deputadu sira sei buka tempu atu hasoru malu ho sira.

“Ami sei ba hasoru sira. Ami mós halo audiénsia iha tempu badak ho órgaun polisiál sira atu hatene implementasaun Lei Armas Brankas no Arte-Marsiál,” dehan nia.

Ne’e duni, tuir planu sei harii komisaun regulamentu intermu hodi organiza funsionamentu komisaun ninian para bolu kedas órgaun kompetente hodi hatene informasaun kle’an liután.

Read 247 times
Rate this item
(0 votes)
  • MidAd1
  • Heineken Klaran
AdBottom1