Domingu, 21 Outubru 2018 | Login
Funsionariu Alfandega sura hela osan mean nebe feto Indonesia hatam mai Timor-Leste ho ilegalmente Funsionariu Alfandega sura hela osan mean nebe feto Indonesia hatam mai Timor-Leste ho ilegalmente

Alfándega Prende Feto Ida Lori Osan Mean Ilegál Featured

DILI: Ekipa Funsionáriu Diresaun Nasionál Alfándega Timor-Leste, Postu Batugadé, Munisípiu Bobonaru, prende feto sidadaun Indonézia ida ne’ebé lori osan mean kontrabandu mai Timor-Leste.

Sasán hirak ne’e Alfándega identifika hafoin halo pasa revista ho mákina x-ray hodi deteta suspeitu ne’e lori saku ida ne’ebé kesi metin iha nia kanotak.

Parte Alfándega konsidera sasán hirak ne’e lori ilegalmente tama TL ho objetivu atu sees husi selu taxa.

Tuir informasaun ne’ebé publika husi, portál facebook, Alfándega Timor-Leste katak, kazu ne’e agora parte Alfándega no Polisia sei hala’o hela investigasaun kle’an ba autór feto ne’ebé lori sasán osan mean ne’e tama mai TL.

“Iha prosesu investigasaun no koopera ho polisia sira,” dehan parte Alfándega Timor-Leste ba INDEPENDENTE, horisehik.

Tuir parte Alfándega katak, sasán osan mean ne’e lori tama mai Timor-Leste la selu taxa no modus ne’ebé uza mak hanesan kesi sasán sira ne'e iha kanotak (feto) para bele sees hosi inspesaun Alfándega.

Oras ne’e daudauk parte Diresaun Jerál Autoridade Aduaneiro mós simu ona relatóriu husi hein prosesu investigasaun polisia nian. 

Read 312 times
Rate this item
(1 Vote)