Items filtered by date: Kinta, 08 Abril 2021

DILI:Tuir dadus provizoriu husi Sekretaria Estadu Protesaun Sivil (SEPS) relata katak, inundasaun impaktu husi udan no anin boot iha loron 3-4 fulan-Abril 2021 ne’e rejulta ema na’in 42 mak mate (lakon sira nia vida) no estraga uma rihun 10.

Liu husi komunikadu SEPS ne’ebé online Independente asesu, kinta ohin (8/4) hatete, dadus provizoriu ne’e aprejenta ona ba reuniaun Konsellu Ministru. Tanba ne’e sei iha medidas oinsa atu bele solusiona situasaun hirak ne’e rekoperadu no minimiza vitima sira nia problema.

Sekretáriu Estadu Protesaun Sivil, Joaquim José Gusmão dos Reis Martins, halo ona aprezentasaun ida ba Konsellu Ministru kona-ba pontu situasaun husi impaktu inundasaun iha loron 4 fulan-Abril tinan 2021, ne’ebé provoka husi siklone tropikál Seroja.

Tuir dadus hirak ne’ebé aprezenta ona iha sorumutuk, inundasaun provoka besik ema rihun 10 maka lakon uma iha Dili, ne’ebé daudaun ne’e alojadu iha sentru akollimentu ne’ebé espalla iha sidade. Bee-sa’e ne’e provoka ema 42 maka mate, 22 husi Dili, 10 iha Ainaro, 5 iha Manatutu, na’in 3 iha Vikeke no na’in 2 iha Aileu.Entretantu, dadus familia uma kain hamutuk 2,375, ho total ema 9,779,  husi Munisipiu Dili maka hela iha sentru evakuasaun 18.

Molok ne'e, Xefe Governu Taur Matan Ruak mos relata katak, impaktu husi dezastre naturais iha loron 3-4 fulan-Abril ne’ebé rejulta populasaun nia uma rihun maka estragus, no ema na’in 42 maka lakon sira nia vida.

Tanba ne’e, Governu hahú hanoin ona atu foti medidas oinsa atu minimiza no normaliza fali situasaun ne’ebé vitima sira enfrenta no infrastrura hirak ne’ebé estragus.

Vitima sira ne’ebé atu hetan apoiu tama iha kategoria tolu. Kategoria dahuluk, maka uma sira ne’ebé lakon total, daruak maka ema sira ne’ebé sei iha uma maibé sasan uma laran ne’ebé la aproveita, no datoluk maka ema sira ne’ebé uma bee no tahu tama.

“Naturalmente iha grupu tolu, grupu ida mak sira nia uma lakon total, no ita sei halo levantamentu atu hatene familia sira ne’ebé lakon uma total hira no iha fatin ne’ebé deit, no haree mós tempu oin mai bele fó apoiu ba sira, segundu grupu mak ema sira ne’ebé sei iha uma maibé sasan uma laran ne’ebé la aproveita, terseiru mak ema sira ne’ebé uma bee no tahu tama,”dehan PM Taur, hafoin halo inkontru semanal ho Prezidente Republika (PR).

Ho nune’e Governu halo ona levantamentu no prepara planu atu ba oin bele fó apoiu ba maluk sira ne’ebé hetan dezastre naturais no hadia mós infraestutura rai laran.

Jornalista: Saturnina da Costa

Editor: Jose Sarito Amaral

Published in Nasional

DILI:Governu liuhusi Konsellu Ministru (KM) aumenta serka sanitaria ba dala-4 ho loron 7 tan iha Munisipiu Baucau no Vikeke.

Published in Nasional

DILI:Governu liuhusi Konsellu Ministru deside suspende konfinamentu obrigatoriu ka konfinamentu domilisiariu iha kapital Dili.

Published in Nasional

DILI:Iha loron rua nia laran hahú loron 7 to’o loron 8 fulan abril, Sala Situasaun Sentru Integradu Jestaun Krize (SIJK), rezista kazu foun na’in 98.

Published in Nasional
Kinta, 08 Abril 2021 18:39

Naimori La Viola Regra MS

DILI:Primeiru Ministru (PM), Taur Matan Ruak konsidera lider masimu partidu Khunto José dos Santos Naimori Bucar sai ona husi izolamentu hafoin liu loron 10, ne’e la viola regra Ministeriu Saúde (MS).

Published in Nasional

DILI: Ministériu Saúde (MS) distribui ona vasinasaun AstraZeneca ba Munisípiu neen (6).

Tuir Ministra Saúde Odete Maria Belo hatete, distribuisaun AstraZeneca ne’e loron dahuluk ba Munisipiu neen (6), no loron daruak sei fahe mós ba Munisipiu sira seluk.

Published in Nasional

DILI:Primeiru Ministru (PM), Taur Matan Ruak informa katak, Governu hahú halo ona levantamentu dadus ba vitima sira impaktu husi udan boot ne’ebé akontese iha loron 3,4 fulan-Abril 2021.

Published in Nasional

DILI:Kór ketak-ketak laos bareira ida, atu hatudu nafatin ita nia apoiu no solidaridade bainhira nasaun ho povu hasoru situasaun ne’ebé defisil.

Published in Nasional

Independente Digital TV