Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, iha Munisipiu Dili, iha loron 7  to’o loron  8 abril deteta kazu foun 67. Nune’e, kazu detetadu ka pozitivu iha Munisipiu Dili husi loron 7 fulan-marsu 2021, to’o ohin,loron 8 fulan-abril tinan 2021, hamutuk 689.

Ho baze ba informasaun ne’ebé disponível, ekipa konjuntabsaúde hafo fali revizaun ba fokupropagasaun/cluster iha Municipiu Dili  ho  baze  ba ligasaun entre kazu iha área geografika no expozisaun ba fonte infesaun.

Ho nune’e, iha  Munisipiu Dili, reorganiza  cluster  tuir área geografika suku nian  ho fatin propagasaun seluk mós, hamutuk hotu iha 21 cluster.

Nia hatutan, iha munisipiu likisa iha loron  5 fulan abril tinan 2021 deteta kazu  pozitivu 3 iha Postu Administrativu Maubara, Munisipiu Liquiça. Ema sira ne’e sai husi Dili ba munispiu. Agora sira iha ona izolamentu Dili.

Munisipiu Baucau iha loron 7to’o loron 8 fulan Abril 2021 deteta kazu foun 5. pasiente hirak ne’e sai husi Dili. Hamutuk hotu iha Baucau iha 34 Kazus detetadus no  iha cluster 11.

Munisipiu Ermera, iha loron 7 to’o 8 fulan Abril 2021 deteta kazu foun 20. pasiente hirak ne’e sai  husi  Dili  no  lori  fila  mai  izolamentu  iha  Dili.  Ekipa  konjunta  saúde  buka-tuir  ona kontaktu-besik sira hotu.

Iha loron 7 fulan Abril tinan 2021 deteta tan kazu pozitivu ida iha Munisipiu Covalima. Kazu pozitivu ida ne’e halo viajen husi Dili iha loron 2 fulan Abril 2021.

Iha Munisipiu Ainaro, iha loron 7 fulan Abril 2021 deteta kazu foun 5. Kazu pozitivu hirak ne’e ba husi Dili no lori mai izolamentu iha Dili. Ekipa konjunta saúde buka-tuir ona kontaktu-besik sira hotu.

Ho nune’e dadus jeral ba loron ohin (08/04), kazu foun na’in 98, kazu rekuperadu na’in 90 no kazu ativu ne’ebé baixa iha sala izolamentu hamutuk na’in 493.

Husi total kazu foun ohin iha mane na’in 57 no feto na’in 41, sira ne’e hotu asintomátiku ka la hatudu sintomas.

Jornalista:Saturnina da Costa

Editor:Jose Sarito Amaral