MS Distribui Ona AstraZeneca Ba Munisípiu 6 Featured

By Saturnina da Costa Abril 08, 2021 361
MS Halo Lansamentu dahuluk ba distribuisaun AstraZeneca ba Munisipiu sira, kinta (8/4), iha SAMES, Kampu Alor Dili. Foto MS. MS Halo Lansamentu dahuluk ba distribuisaun AstraZeneca ba Munisipiu sira, kinta (8/4), iha SAMES, Kampu Alor Dili. Foto MS.

DILI: Ministériu Saúde (MS) distribui ona vasinasaun AstraZeneca ba Munisípiu neen (6).

Tuir Ministra Saúde Odete Maria Belo hatete, distribuisaun AstraZeneca ne’e loron dahuluk ba Munisipiu neen (6), no loron daruak sei fahe mós ba Munisipiu sira seluk.

Tanba ne’e, ba loron dahuluk distribui ona ba Munisipiu neen, mak hanesan Munisipiu Baucau doses 1,730, Lautem doses 740, Bobonaro doses 1,080, Ainaro doses 690, Covalima doses 920, no Likisa 620.

Entretantu ba Munisipiu sira seluk, sei fahe iha faze tuir mai, mak hanesa Ermera doses 900, Manatuto doses 590, Manufahi doses 680, Vikeke doses 910, no RAEOA doses 1,360.

Entretantu, Diretór Ezekutivu SAMES, Santana Martins hatete, distribuisaun vasinasaun doses bai ha servisu saúde munisipaa sira hodi atende uluk ba liña frente sira.

Tuir planu, aban loron sesta (9/4), Governu kontinua distribui ba Munisipiu sira ne’ebé seidauk hetan.

Fundus ba vasinasaun ne’e husi Nasaun Unida ba Infánsia (UNICEF) liuhusi COVAX fasilita AstraZenaca doses rihun 24 ba Timor-Leste.

AstraZenaca ba faze dahuluk ne’e to’o iha Timor-Leste iha loron 5 fulan-Abril tinan 2021.

Jornalista: Saturnina da Costa

Editor: Jose Sarito Amaral

Rate this item
(0 votes)
Last modified on Kinta, 08 Abril 2021 18:55

Independente Digital TV