Items filtered by date: Setembru 2020

DILI: Movimentu illegal iha fronteira rai-maran ne’ebé sa’e maka’as durante Estadu Emerjensia (EE) hamosu preokupasaun boot, la’os de’it tanba kontra lei, maibé mós tanba bele lori perigu boot ba vida povu Timor-Leste relasiona ho pandemia Covid-19 iha nasaun viziñu ne’ebé sei kontinua buras.

DILI: Dezastre mosu iha area terminal Bekora, Dili. Ai amare huun boot ne’ebé hamriik iha estrada ibun monu no hanehan mikrolete rua no motor haat. Sorte boot tanba dezastre ne’e rezulta de’it ema ida ain tohar no la rezulta ema lakon vida.

DILI: Maske prosesu konstrusaun Ro Haksolok kontinua sai polemika, maibe Prezidente Autoridade Rejiaun Administrativu Espesial Oekusse-Ambeno (RAEOA) Arsenio Bano iha konfiansa katak ro refere sei mai iha Timor-Leste.

DILI: Na’in ba media imprime boot lima ne’ebé eziste iha Timor-Leste, hanesan Suara Timor Loro Sa’e (STL), Timor Post, Grupu Media Nasionál (GMN), Business Timor (BT) no jornal INDEPENDENTE, deside la partisipa iha konferensia hili reprezentante na’in ba media iha Konsellu Imprensa.

LOSPALOS: Hospital Nasionál Guido Valadares sai nu’udar uniku esperansa ba Timor-oan sira atu bele halo tratamentu saúde bainhira ospital refere no sentru saúde sira ‘hiit liman’ ona. Maibé, mosu preokupasaun husi veteranu balun ba kapasidade husi HNGV hodi salva pasiente sira-nia vida, liu-liu veteranu sira.

DILI:  Konfrontasaun entre membru Persaudaraan Setia Hati Terate (PSHT) ho IKS-PTL iha Tibar rejulta joven ida hetan tiru ho naran Ricardo H. dos Santos ho idade tinan 24 iha aldeia Lebulelo, Suku Tibar, Postu Administrativu Bazartete, Munisipiu Likisa, iha Sabadu (12/09) maizumenus tuku 7 dader.

DILI: Tuir dadus husi Aliansa Nasionál Kontrolu Tabaku (ANKT) katak sidadaun Timor-Leste 74% mak la kumpri dekretu lei fuma sigaru iha fatin públiku. Tanba ne’e presiza sensibiliza informasaun ba edifisiu públiku sira ne’e atu bele sai ezemplu di’ak ba sidadaun hotu.

Faustino dos Santos "Renan Selac", moris iha loron 1 fulan Maio tinan 1957, moris fatin iha aldeia Ira-Ara, suco Fuiloro, postu administrativo Lospalos, Municipio Lautem. Saudoso Faustino dos Santos "Renan Selac" oan husi familia "No Reci ho Nuku Malai".

DILI: Tuir dadus husi Komisaun Anti Korrupsaun (KAK) iha Funsionariu Públiku na’in 13 ne’ebé mak simu salariu $500 ba leten, simu mós subsidiu $200.

DILI: Tanba saida ema ho fasil tebes tama no sai iha area fronteira rai-maran maske implementasaun Estadu Emerjensia (EE) foku liu ba area fronteira rai-maran, portu no aeroportu? Nia resposta fasil tebes, kria de’it ligasaun ho pesoal seguransa iha fronteira no dalan sei nakloke.