Items filtered by date: Maiu 2021

DILI:Familia matebian ho Sentru Integradu Jestaun Krize (SIJK) konkorda malu bele haloot matebian  Fernando do Rego iha nia moris fatin Munisipiu Vikeke.

Matebian ho idade 27, hakotu iis iha loron 2 fulan-Maiu 2021, ne’ebé husik hela nia espoza ho oan na’in haat.

Aman kiik husi matebian, Gregorio da Silva hatete, parte familia matebian prontu kopera ho SIJK hodi haloot matebian iha nia moris fatin, Munisipiu Vikeke, tuir prokolu Orgaizasaun Mundial Saúde no Ministériu Saúde nian.

Tuir Gregorio katak, matebian mate laos tanba Covid-19, maibé mate ho Covid-19, tanba hetan asidente trafiku iha loron 27 fulan-Abril, ho kondisaun ulun nakfera.

Matebian lori sai husi izolamentu Vera Crus Dili, ohin segunda (3/5), iha dader tuku 10:20 oras Timor-Leste, ne’ebé hetan akompañamentu husi ekipa SIJK, mediku no Polisia Militár sira.

Matebian lori uluk ba nia familia iha Quintal Boot Dili, hafoin lori ba Munisipiu Vikeke hodi haloot.

Tuir dadus Covid-19 iha Timor-Leste, kazu ativu na’in 1.260, no mate na’in 4.

Editor: Jose Sarito Amaral

DILI:Sala Situasaun Sentru  Integradu Jestaun Krize (SIJK) relata ohin loron 2 fualn-maio tinan 2021, ekipa konjunta deteta tan kazu foun  Covid-19 na’in 48, rekuperadu na’in 26 no kazu ativu sa’e ba 1.260.

DILI:Sala Situasaun Sentru  Integradu Jestaun Krize (SIJK) relata ohin loron 1 fualn-maio tinan 2021, ekipa konjunta deteta tan kazu foun  Covid-19 na’in 120, iha 95% asintomatiku.

DILI:Foin semana ida liu hala’o misa multiplika, Arkedioseze Metropolitana Dili Don. Virgilio do Carmo tenki deside fali suspende atividade misa ne’e, relasiona ho desizaun Konsellu Ministru, ne’ebé reativa hikás konfinamentu domisiliariu jerál iha kapita Dili.

DILI:Governu liuhosi Ministériu Negosiu Estranjeiru no Koperasaun (MNEK) hamutuk ho Ministériu Finansas (MF) halo ona exersiu ida oinsa parseiru internasionál sira iha Timor-Leste bele kontinua apoiu vitima inundasaun no halo prevensaun Covid-19.