Matebian Fernando Hakoi Iha Nia Moris Fatin Featured

By Novencio do Carmo Maiu 03, 2021 516
Karreta Funerariu lori sai matebian Fernando do Rego husi izolamentu Vera Crus ba familia, iha  Quintal Boot, segunda (3/5). Foto Novencio do Rego/Independente Karreta Funerariu lori sai matebian Fernando do Rego husi izolamentu Vera Crus ba familia, iha Quintal Boot, segunda (3/5). Foto Novencio do Rego/Independente

DILI:Familia matebian ho Sentru Integradu Jestaun Krize (SIJK) konkorda malu bele haloot matebian  Fernando do Rego iha nia moris fatin Munisipiu Vikeke.

Matebian ho idade 27, hakotu iis iha loron 2 fulan-Maiu 2021, ne’ebé husik hela nia espoza ho oan na’in haat.

Aman kiik husi matebian, Gregorio da Silva hatete, parte familia matebian prontu kopera ho SIJK hodi haloot matebian iha nia moris fatin, Munisipiu Vikeke, tuir prokolu Orgaizasaun Mundial Saúde no Ministériu Saúde nian.

Tuir Gregorio katak, matebian mate laos tanba Covid-19, maibé mate ho Covid-19, tanba hetan asidente trafiku iha loron 27 fulan-Abril, ho kondisaun ulun nakfera.

Matebian lori sai husi izolamentu Vera Crus Dili, ohin segunda (3/5), iha dader tuku 10:20 oras Timor-Leste, ne’ebé hetan akompañamentu husi ekipa SIJK, mediku no Polisia Militár sira.

Matebian lori uluk ba nia familia iha Quintal Boot Dili, hafoin lori ba Munisipiu Vikeke hodi haloot.

Tuir dadus Covid-19 iha Timor-Leste, kazu ativu na’in 1.260, no mate na’in 4.

 

Editor: Jose Sarito Amaral

Rate this item
(0 votes)

Independente Digital TV