Items filtered by date: Sexta, 20 Marsu 2026

DILI: Ministru Defeza, Donaciano da Costa Gomes 'Pedro Klamar Fuik', simu vizita kortezia husi Embaixador Brasil mai Timor-Leste, Ricardo José Lutosa Leal.

DILI: Ministru Defeza, Donaciano da Costa Gomes ‘Pedro Klamar Fuik’ simu vizita kortezia husi Embaixador Portugal iha Timor-Leste, Duarte Bue Alves.

Vizita ne’e mai kumprimenta kna'ar foun ne'ebé governu portugés atribui ba nia hanesan embaixador designadu mai Timor-Leste durante fulan neen ona iha TL.

“Embaixador mós mai ho ajenda traballu balun kona-ba oinsá intensifika kooperasaun entre Timor-Leste no Portugal ne'ebe mai kedas husi tempu antigu no kontinua iha prosesu konstrusaun Estadu-Nasaun iha tinan 24 nia laran,” dehan Ministru Klamar Fuik, iha Ministeriu Defeza, Fatuhada, horisehik.

Nia hatutan, durante ne’e Portugal ninia kooperasaun ho Timor-Leste la’o di’ak tebes, liu-liu iha ambitu dominiu defeza no mós seguransa nian.

“Iha ona programa kuadru ne’ebe prepara ona. Ita hein katak, sei bele asina iha tempu badak, tanba programa ne’ebe define kona-ba kooperasaun entre Portugal no Timor-Leste iha ambitu defeza,” dehan Klamar Fuik.

Nia hateten, iha programa kuadru ne’e define iha area kapasitasaun barak, ida mak formasaun rekursu umanu no iha terenu no ezersisiu, nune’e mos iha apoiu sira seluk ne’ebe Portugal sempre apoiu iha dezenvolvimentu transformasaun F-FDTL nian.

“Iha programa kuadru ne’e iha projetu haat ka lima, apoia estratura komandu no apoiu formasaun iha terenu iha sentru instrusaun no apoiu komponente naval no terrestre, inklui apoiu mos komponente sira seluk ne’ebe atu dezenvolve nomos haree tan área sira seluk ne’ebe ko’alia ona, mas seidauk estabelese iha programa kuadru,” dehan nia.

Ministru Defeza hatutan, tuir planu parte rua ne’e sei asina programa kuadru ne’e iha tempu badak, nune’e bele tau iha pratika implementasaun nian, hodi halo avaliasaun ba saida mak halo ona no saida mak seidauk halo, sei halo di’ak liután.

Timor-Leste hanesan país ne'ebé daudaun ne'e retein hela Prezidénsia ba CPLP, nia dehan, ohin mos diskute kona-ba preparasaun enkontru Ministru Defeza nível CPLP nian, liu-liu fatin atu realiza enkontru tanba daudaun ne'e situasaun jeopolítika iha mundu ne'e la permite atu halo viajen.

Maski nune'e, parte rua sei kontinua kolabora malu hodi bele asegura enkontru sira tuir kalendáriu ne'ebé estabelese.

Iha fatin hanesan, Embaixador Portugal iha Timor-Leste, Duarte Bue Alves, agradese no kontente tebtebes vizita ofisiál mai Ministru Defeza hafoin halo viajen durante fulan neen to’o iha Timor-Leste.

Nia hatutan, vizita ne’e hato’o ba Ministru Defeza kona-ba kontinua hametin kooperasaun entre rai rua iha dominiu defeza ne’ebé nasaun rua halo ona iha tempu narauk nia laran entre Ministru Defeza Timor-Leste no Portugal ne'e liuhusi dialogu entre forsa armada Portugal no forsa armada Timor-Leste.

“Iha okaziaun ida ne'e Ministru defeza Timor-Leste mós hato'o kona-ba prezidensia Timor-Leste nian ba CPLP iha tinan ne’e (2026). Ho nunee mak ami mós ko'alia uituan kona-ba reuniaun altu nivél Ministru Defeza CPLP ne'ebé sei halo iha tinan ne'e,” tenik Duarte.

Tanba haree ba jeopolitika ne’ebé mosu iha media oriente sei mosu iha difikuldade prátika lojistika tanba haree viajen ne'ebé dook no ho tempu naruk mai iha rejiaun ne'e.

Purtantu, ministru defeza hato'o katak sei kria kondisaun ne'ebé di'ak no fatin ne'ebé seguru, tanba Timor-Leste mak nu’udar prezidensiál ba CPLP mak klaru katak, sei halo ida ne'e hamutuk ho Ministeriu Negósiu Estrajeiru hodi haree kondisaun sira atu halo iha Portugál ka atu halo iha timor ne'e nudar polítika esternu.

“Ba saida de’it mak Timor deside  ba ami kompromete katak ne’e mak ultima. Kuandu dehan atu halo, iha Lisboa ne’e flesibilidade de'it, maibé mak ne'e tenke realiza duni reuniaun Ministru defeza CPLP tanba reuniaun ne'e importante ba nasaun lian Portugés nian”, nia fundamenta.

DILI:Durante fulan janeiru to’o fevereiru tinan ne’e halo inspesaun, Autoridae Inspesaun Fiskalizasaun Atividade Ekonómika Sanitaria no Alimentar, Institutu Públika (AIFAESA-IP) identifika Loja 268 komete infrasaun.

DILI: Tuir Planu eventu dili internasionál maratona sei akontese iha loron-08 fulan-agostu tinan ne'e iha Dili.