Prezidente Komfederasaun Desportu Timor-Leste, Afrânio Xavier, hatete, Dili Maraton Sei lidera husi xefe casa sivil Prezidensiá Repúblika, no dadaun ne'e nia preparasaun la’o hela.

"Ita nia prosesu la’o hela, no data fiksu ba eventu dili Maratona Sei realiza iha loron-08 fulan-agostu tinan ne'e," informa Afrânio Xavier, ba jornalista sira iha salaun MJDAKlesidere, kinta (19/03).

Dadaun ne’e rejistrasaun ba atleta sira la’o hela, no rejistrasaun liu husi online.

"Rejistrasaun ne'e online ne'ebe ita seidauk hatene loloos númeru hira mak rejistu ona, tanba ita nia departamentu ualu mak asume ba ida ne’e. Nune'e bainhira iha reuniaun mak sira bele relata relatoriu," Afrânio esplika

Nia subliña, Dili Maratona sei partisipa husi atleta nasionál no mós ba internasionál.

"Agora hetan ona autorizasaun husi Asean atletik, liu husi Federasaun atletletizmu Timor-Leste, bele realiza dili Maraton tuir padraun internasionál," Katak nia

Kona-ba orsamentu, Prezidente CDTL ne'enia parte seidauk bele anunsiu monatante orsamentu ba eventu referidu.