Lamukan: Manan ka Lakon iha Eleisaun La’os Sasukat

By Gregorio da Costa Marsu 19, 2022 428
Kandidatu PR 2022-2027, Virgilio Guterres 'Lamukan', hafoin ezerse nia direitu votu, iha sentru votasaun, aldeia Bairo Formosa, Suku Gricenfor, Postu nain Feto Dili, sabadu 19/03). Foto Gregorio da Costa/Independente Kandidatu PR 2022-2027, Virgilio Guterres 'Lamukan', hafoin ezerse nia direitu votu, iha sentru votasaun, aldeia Bairo Formosa, Suku Gricenfor, Postu nain Feto Dili, sabadu 19/03). Foto Gregorio da Costa/Independente

DILI:Kandidatu Prezidente Republika, Virgílio Da Silva Guterres "Lamukan", ho núumeru sorteiu 12, konsidera katak ezersisiu votu nudar sidadaun ida, maibe atu manan ka lakon la’os sasukat ida, ne'e prosesu politiku ida ne’ebé sai hanesan formasaun politika ba sidadaun hotuhotu.

"Ha’u kontente tanba eleisaun tinan ida ne'e, ha’u hanesan kandidatu  ida, ha’u iha  hanoin ida katak eleisaun ne'e la’os manan ka lakon, ida ne'e hanesan prosesu politiku ida ne'ebe ke sai hanesan formasaun politika ba ita nia sidadaun hothotu,"dehan Lamukan, hafoin ezerse nia direitu votu, iha sentru votasaun, aldeia Bairo Formosa, Suku Gricenfor, Postu nain Feto Dili, sabadu 19/03).

Tuir nia katak bainhira rejultadu votu hatudu nia la liu, ne’e tanba seidauk iha kapasidade atu konkista votus husi povu, tanba ne’e husi nia votus sai de’it referensia iha futuru.

Importante mak iha eleisaun ne'e ema hotu tenke ezerse nia direitu votus, ba tinan ida ne'e eleisaun prezidensial ne'e diferensia boot tanba kandadatu barak husi jerasaun foun.

"Ho ida ne'e hau mós hola parte  ida iha kandidatu ida ne'e, siginfikadu politiku boot ba hau iha eleisaun ida ne'e. Mas ema konsidera eleisaun ida ne'e hanesan jogu manan ka lakon, ida ne'e kandidatu prefere lakon ho dignu duke manan ho moe. Entaun kona-ba manan ka lokon, depois maka ita haree iha rezultadu, ha’u preparadu atu haree rezultadu saida de’it," nia haktuir.

Rate this item
(0 votes)

Independente Digital TV