Prezidente INSS, Zeferino da Costa Babo hatete, pagamentu ba pensaun sosial kobre buat rua, ida maka ba ferik –katuas sira ka herois vivos no ida seluk maka ba Ema ho Defisiénsia sira.

“Ita halo pagamentu ba benifisiariu pensaun sosial iha tinan 2026 ne’e, ba primeira faze, ita sura husi janeiru to’o marsu, agora dadaun ne’e pagamentu la’o hela, pagamentu hahú iha 23 marsu, depois ita tama ba paskoa ita feriadu tiha hotu kontinua fila fali, dadaun ne’e hahú halo pagamentu iha munisipiu sira hotu,” Dehan nia ba jornalista INDEPENDENTE, iha nia knar fatin, INSS Kaikoli, Kuarta (04/26).

Nia hatutan, benifisiariu pensaun sosial ne’ebé hetan pagamentu iha faze dahuluk tinan ne’e maka kompostu husi heróis vivos ka ferik katuas sira ne'e hamutuk na’in 97,105 ne’ebé selu ho total orsamentu hamutuk $20,286,642 no ema sira ne'ebé difisiensia hamutuk na’in 10,587 ho nia orsamentu total hamutuk $1,733,40.