Items filtered by date: Kinta, 15 Abril 2021

DILI:Association Of Chinese Enterprise Timor-Leste (AEC-TL) oferese tan orsamentu dolar amerika rihun $15 (USD 15.000.00) ba familia ne’ebé afeita ba inundasaun liuhusi Sekretaria Estadu Protesaun Sivil (SEPS).

DILI:Lider Nasionál Karismatiku Kay Rala Xanana Gusmão fó autorizasaun ba familia matebian Armindo Borges katak bainhira remata halot mate-isin, tenki kontinua kumpri regra protokolu Organizasaun Mundial Saúde nian hodi tuir teste swab.

DILI:Ekipa Konjunta Saúde husi Sala Situasaun Sentru Integradu Jestaun Krize (SIJK) intrega mate-isin Armindo Borges ba familia hodi halo prosesu funebre tuir tradisaun kulturan Timor nian.

DILI:Governu liu husi Konsellu Ministru (KM) apova ona projetu Rezolusaun Governu nian, ne’ebé aprezenta husi Ministra Negósiu Estranjeiru, Adaljiza Magno, kona-ba aprovasaun ba kandidatura Timor-Leste hanesan membru Konsellu Direitu Umanu nian husi Organizasaun Nasoins Unidas (ONU), ba períodu tinan 2024 ba 2026.

DILI:Ema na’in 2.629 iha teritoriu nasional Timor-Leste simu ona vasinasaun AstreZeneca.

Ministra Saúde, Odete Maria Freitas Belo, halo ona aprezentasaun ba Konsellu Ministrus kona-ba progresu kampaña vasinasaun kontra Covid-19 nian.

“Husi loron 7 fulan-abril, vasina rihun 24 mak to’o ona iha Timor-Leste, no halo ona vasina hamutuk 2.629, husi númeru hirak-ne’e, feto na’in 887 no mane na’in 1.742 mak simu ona vasinasaun,”dehan Ministru Prezidensia Konsellu Ministru Fidelis Leite Magalhães, liu husi konferensia imprensa iha Palasiu Governu (14/04).

Entretantu, Vasina ona mós ba profisionál saúde hamutuk 1,619 no profisionál sira seluk husi liña frente nian hamutuk 1,010.

Ministra Saúde halo mós aprezentasaun kona-ba rezultadu sira husi teste variante sira SARS-CoV-2 nian ne’ebé iha país, ne’ebé analiza ona iha Austrália. Rezultadu barak maka hetan iha amostra 70 ne’ebé analiza ona hatudu padraun hanesan ba ida-ne’ebé deteta ona iha país sira seluk iha rejiaun nian no deteta ona kazu variante ida husi Reinu Unidu (B.1.1.7), kona-ba pasiente ida-ne’ebé iha hela izolamentu profilátiku bainhira deteta ona, iha loron 27 fulan-dezembru tinan 2020 no la provoka kontájiu sira. La deteta kazu variante sira iha Áfrika Súl (B.1.351) no husi Brazíl (P.1).  Sei haruka iha aviaun tuir mai amostra liu 246 hodi bele halo analiza.

Vasina AstraZeneca ne'e hamutuk doze rihun 24, ne'ebe tama iha faze dahuluk, apoiu husi  Fundu Nasoins Unidas ba Infasia UNICEF.

Jornalista: Saturnina da Costa

Editor: Jose Sarito Amaral